ئەمەی ئەمجارە ئەمریکا بەرانبەر کوردوڕۆژئاوا ئەنجامیدا بۆمبایەکی&nbsp;زۆر مەترسیدارو زیانبەخشە. مێژوو خۆی دوبارە کردەوە وسەرەتایەکە&nbsp;بۆ کۆتایهێنان بە (قەسەدەو پەیەدەو یەپەژە) ، هەروەک پەلاماریشە بۆ سەر تەواوی کوردو فیدراڵیەکەی&nbsp;هەرێمی کوردستان . &nbsp;ئەم بۆمبایەی&nbsp;ترامپ لە دژی رۆژئاوا ، لە ریکەوتننامەکەی&nbsp;٦ ئازاری ١٩٧٥ کە لە دژی شۆرشی ئەیلول&nbsp;ئەنجاماندرا ،زۆر کاریگەرترو ترسناکترە. چونکە لە کاتو ساتێکی تر ە،بەڵام بە جیاوازی ئەوەی ئەمجارەکورد بڕیاری بەرگریکردنی لە بونی خۆی و پاراستنی خاکی کوردستاندا.&nbsp; لەکاتێکدا سەدساڵ تێپەربو بەسەر ئەوزوڵمەی لە (سایکسپیکۆ) لەکوردکراو میللەتەکەمان چاوەڕێ پاداشتی ئەوەی دەکرد لەبری ئەوسزایەی لەمێژوودا لێیانکرد ،هاوکاری بکرێ بۆ دروستژردنی کیانێكی سیاسی باشتر ، کەچی&nbsp;ئەمجارە ترامپ هات بەجۆرێکی تر وەلە کاتێکی تر جارێکی تر ئازاری کوردی داوەو برینەکەی دوبارە کولاندینەوە. شەری ئەمجارە تەنیا شەڕنیە لە بەرانبەر رۆژئاوا.بەڵکو لەقاڵبدانەوەو بچوککردنەوەی کوردو هەوڵی لە ناوبردنیەتی وئەمجارە هەر چوار پارچەکە موهەدەدەو لەژێر هەرەشەی دوژمنانی کوردو کوردستاندایە . چی پێویستە ئێمەی کورد&nbsp;بیکەین!بەڕای بەندە لەسەر ئێمەی کورد پێویستە یەکگرتوبین .وەبەتایبەتیش لەباشور سیاسەتێکی کوردانەی یەکگرتومان هەبیت ،گەرتەماشا بکەین ئەمریکا لەپێناو بەرژەوەندی ئیسرائیل و بەرژەوەندی&nbsp;خۆی ،تێرۆریستێکی وەک ئەحمەد جۆلانییان هێنا وکردیان بەسەرۆکی سوریا ،بۆچی ؟بۆ ئەوەی سوریایی پێدابەش بکەن و بەرژەوەندی ئیسرائیلی پێبپارێزن و ئەمنیەتەکەی پێدابین بکەن ،لەکاتێکدا هەر ئەمریکا خۆی (١٠ )دەملیۆن دۆلاری تەرخانکردبو ،بۆ هەرکەسیک کەبتوانێ زانیاری تەواویان لەسەر شوێن و جێگای جۆلانی پێبڵێ. ئەوە چیمان پێ دەڵێ ؟پێمان دەڵێ دونیا هەموی کەوتۆتە دوای بەرژەوەندی خۆیی ،مافی مرۆڤ و مافی گەلان ودۆستایەتی هەموی درۆیە،لێرەدا پێویستە پرسیارێک بکەین وپرسیارەکە ئەوە یە ،ئەی تۆ بڵێی جەنابی کاک مەسعود بارزانی و کاک بافل جەلال تالەبانی&nbsp;ئەمە نەبینن ؟ تێناگەم ئێمە بۆ وا بێمنەتین&nbsp;لە بەرانبەر ئەو هەموو تەحەدیاتەی روبەرومان بۆتەوە ؟ بۆ رێکناکەوین ؟ بۆ حکومەت و پەڕلەمان دروستناکەین ؟ بۆ عینادی لەگەل یەکتری دەکەین ؟چەند دڵخۆشین&nbsp;کەدە بینین نەتەوەکەمان سنورەکانی نەهێشت و یەک گوتاری&nbsp;سیاسی نیشانداولەبەرانبەر دۆست و دوژمن قسەی خۆی کرد ووتی : یەکە یەکە یەکە کورد یەکە .بەداخەوە لەم کاتو ساتەدا کورد بەگشتی وە بە تایبەتی بەڕێزکاک مەسعود بارزانی بێ سەرۆک (مام جەلال)ی زۆر پێوە دیارە . ئەو هەمو گورگەتێی بەربونە و پەلاماری کورد دەدەن.کاتی ئەوەیە هەمومان لاپەڕەیەکی&nbsp;تازە هەڵدەینەوە و ڕابردو شتەباشەکان سودیان لێوەرگرین ، شتەخراپەکان بەنەفرەتکەین و لە بیرخۆمانی بەرینەوە،سیاسەتمەداری گەورە دەبێ ڕۆحی تەساموح و لێبوردەی تیادا زۆر بەهێز بێت ویەکگرین و ناکۆکیەکانمان وەلاوە بنێین و هەمومان ئەمڕۆ پێکەوە لە ناو یەکبەلەمداین . دوژمن دژی هەموانەو غەرق بێت ! هەموو کورد تیا دەچێ . کاتی ئەوەیە خەڵکی بەتەجروبەو خوێنەوار بێنینە پێشەوەو کورد پیویستی زیاتر بە عەقلی ئارام وپیاوی جەسورو سیاسەتمەداری دوربین&nbsp;هەیە،دوژمنانی کورد ئەحمەد جۆلانییان هێناوە بۆ پاراستنی بەرژەوەندی ئیسرائیل و ئەمریکا. لەگەڵ لێدانی قەسەد لەرۆژئاواو سڕینەوەیان لەسەر ساحەی سیاسی .ئەوگفتوگۆیانەی کەدەشکرین ،تەنیا کات بەسەربردنەو خۆیان بۆ شەڕئامادە دەکەن و&nbsp;دەیانەوێ هێرش بکەنە&nbsp;سەرکۆبانی و دوایش حەسەکە… بانگەوازی بەندە دیسان بۆ کاک مەسعود بارزانی یە و دەڵێم هەقە جەنابتان ڕۆڵی&nbsp;مامیش ببین و&nbsp;دەست لەناودەستی یەکێتی نیشتمانی تەواوی لایەنەکانی باشور بنێن ئەو پەرتەوازەییە کۆتایی پێبێنن وبەتایبەتی لەگەڵ یەکێتی نیشتمانی بە تەواوی ڕێکبکەون و با یەک ئیرادەی سیاسی ەیکگرتوی کوردی و کوردستانی نیشان بدەین .&nbsp; نەتەوەی کورد ئیرادەی سیاسی و یەکگرتویی خۆی&nbsp;بە هاتنە سەرجادەو خۆنیشاندانەکانی نیشانی دەرەوە دا.ئێستا نۆرەی سەرکردایەتی سیاسی کوردە کە یەکگرتویی خۆی رابگەیەنێ وبوەستێتەوە بە ڕووی دوژمن و نەیارەکانی .دڵنیام بە ئیرادەی هاوبە ش و یەکگرتوییمان موئامەرەی دوژمنان لەگۆڕدەنێین . سەرکەوی خەباتی ڕەوای گەلەکەمان و شەرمەزاریش بۆ دوژمنەکانمان کە دەیانەوی کورد لەسەر نەخشە بسڕنەوە.

بەهرۆز گەڵاڵی

بۆمبەکەی ترامپ!

گۆڕانکاری گەورە بە ڕێوەیە، ڕۆژهەڵاتی ناوەڕاست سەرلەنوێ نەخشەی تازەی بۆ کێشراوە،&nbsp;لەڕوی سیاسی و لە ڕووی جوگرافی و ئیدارییەوە گۆرانكاری دەكرێت. لەم نەخشە نوێیەدا ئیسرائیل دەکەنە دەوڵەتیکی بە هێزی خاوەن بریارو هەلوێستی یەکلاکەرەوە لە ڕۆژهەڵاتی ناوەڕاست، بۆ ئەمریکاو ڕۆژئاوا دەبێ ئیسرائیل لە لوتکەدا بێت، دەیانەوێ تورکیا ڕۆلی جارانی نەمینێت بۆئەوەش کێشەی ناوخۆی گەورەی بۆ دروست دەکەن، هەم لەرووی ئیتنیکییەوە ، ئابورییەوە، تەنانەت ئەحمەد جۆلانی بەزەختی ئەمریکاو سعودیە ئەورێكکەوتننامەی لەگەل مەزڵوم عەبدی ئیمزاکردو بە دزی تورکیا و بەبێ ئاگاداری تورکیا ئەوریکەوتننامەكەی&nbsp;ئیمزاکرد، هەربۆیە چەندرۆژیک دوای ئەوە وەفدیک بەسەرۆکایەتی وەزیری دەرەوەی تورکیا&nbsp;سەردانی شامی کرد، تا بە دیدی ئەمریکا تورکیا دەبێ ئیسرائیلی قەبول بی و بەرژەوەندیەکانیان بپارێزی ،یان دەبێت بزانی لە داهاتو داکیشەی سیاسی گەورە چاوەرێی دەکات.کورد لەم نەخشە نوێیە دا جێگای هەیە و سود مەند دەبێت، بە مەرجێک سەرکردەکانی کورد وازبێنن لە حزبایەتیکردن. هێنانی داعشێکی وەک ئەحمەد جۆلانی بۆ سەر حوکم لە سوریە، بۆ جێبەجیکردنی ئەم پرۆگرامەیە و جۆلانی یارمەتیدەر دەبێت بۆ ئەو نەخشەیەی کە ئەمریکاو ئیسرائیل و سعودیە بۆ ناوچەکە کیشاویانە …&nbsp;بەڵێ دورو نزیک تورکیاش هەرچەندە ئاگاداری ئەو پلانەیە، بەڵام بونی کوردی رۆژئاوا لە پلانەکەدا لە دیدی تورکیاوە کێشەیە بۆیان، دیارە&nbsp;لەدواویستگەدا تورکیا لە گەل ئیسرائیل هەردەبێ رێکبکەوێت، ڕوونە كە تورکیا جۆلانی هێنایە سەر حوکم و بەشار وەدەرنرا . بەڵام بەرەزامەندی ئەمریکا و بریتانیەکان جۆلانی هێنراوەتە&nbsp;سەر حوکم، بە بێ ئاگاداری ئەوان ئەم ئیشە مەحاڵە کرابێ، لەڕۆژی هاتنە سەرکاری جۆلانی تا ئەمرۆ ،هەموو ئەم هەنگاوە سیاسیانەی جۆلانی لە سوریا ناویەتی ،بە ئاراستەی دابەشکردنی سوریایە، نەوەکو بە ئاراستەی یەکگرتنەوەی سوریاو چینو پێکهاتەو توێژوقەومیاتەکان، بۆیە سوریا هەنگاو هەنگاو بۆ سێبەش دابەش دەکرێت، بەڵام قوناغ به قۆناغ وە لەسەرخۆ لە نەخشەی تازەدا شەرقی فورات بەرکورد دەکەویت و دەبیتە هەرێمێک لە دوایدا لەگەل کوردستانی عیراق دەكرێتە یەک هەرێم ،ئەگەر سەرکردەکانی کورد خۆیان تێکی نەدەن.&nbsp;جنوبی سوریە&nbsp;بۆ دروزیەکان و ئیسرائیل دەبێت، ناوەراستی سوریا (حەلەب و حومسو حەماو دیمەشق ) بو تورکیا و سونە ئیخوانیەکان دەبێت.ئەم نەخشەیە درێژكراوەو پەیوەستە بە كێشەی روسیاو ئۆكرانیاوە، بۆیە شەری ئۆکرانیاو روسیا کۆتایی دێت و ئەو شوینانەی روس داگیریکردون تەواو دەبیتە بەشیک لە خاکی روسیا، لەلایەكی تریشەوە لە بەرانبەردا روسیا پشت لە ئیران دەکات، ئیتروردە وردە کیشەی ناوخۆییش&nbsp;بۆ ئیران بە ڕێگاوەیەو لە دروستبوندایە و ئیستا کار لەسەر کوردو ئازەریەکان دەکەن بۆ ئەو پلانە وهەوڵدەدەن خۆپیشاندان و پشیوی لەناو ئیران دروستبکەن وتا ئیران توشی کیشەی ناوخۆیی گەورە بێت ملبدات بە داواكاریەكانی نەیارەكانی و لە سیاسەتی دەرەوەی گۆرانكاری بكرێ كۆتایی بێت بە هەژمونی ئیران لەسەر عیراق.پێچدەچێت بەهۆی ئەم گۆانكاریانەوە گروپە شیعە چەکدارە توند ڕەوەکانیان لە لایەن ئەمریکاوە زەبری کوشندەیان بەربكەوێت و دۆخی عێراق بگۆرێت و ببێتە خاوەن دەولەتێک کە بتوانی پاریزگاری لە سیادەو شکۆی خۆی بکات و سەربەخۆ بێت لە بریاری سیاسی و دوركەوێتەوە لە پاشكۆیەتی بۆ ئێران، بەپێچەوانەشەوە توشی شەریکی ناوخۆی گەورە دەبێتەوە بەجۆری کە تا ئەو رادەیەی هەولدەدرێ دەسەڵات لە دەست شیعەی عیراق دەردەبهێنرێ، ئەگەری عیراق بەئاراستەی دابە شکردن بۆ دوو هەریمی سونەو شیعە بروات .ئەوەی لەم پرۆژەیە گرنگە،&nbsp;پێگەو ڕۆلی ئیسرائیلە لە ناوچەکەدا و زۆر بە قوەتی دەکەن . نابێت حکومەتیکی ئیخوانی حوکمداری هەموو سوریا بکات ولە&nbsp;دیمەشقە و ە تەهدید بێ بۆ سەر ئاسایشی ئیسرائیل، مەحالە ئەمە ئەمریکاو ئیسرائیل رەزامەندبن لەسەری و قبوڵ كردنی ئەم هاوكێشەیەی ئیستای سوریا وجاریکی تر سوریایەکی سەردەمی بەعس و بەشار دروستبێتەوە، هەر بۆیە ئیستا ئیسرائیل ٧حەوت قاعیدەی عەسکەری لە ناو خاکی سوریا دروستکردوە&nbsp;کە ١٨ هەژدە کیلۆمەتر لە دیمەشقەوە دورن.هەنگاونانی کورد بەرەو سەرکەوتن .بۆ ئەوەی کورد سەرکەوتووبێت، بەتایبەتی کە ئەو دۆخە نێودەوڵەتیە&nbsp;گونجاوو باشەی کە&nbsp;بۆی رەخساوە،&nbsp;پێویستە ئەمجارە کورد&nbsp;یەکگرتو بێت، بەتایبەت بۆ هەلبژاردنی بە غدا بەیەک لیستی یەکگرتو برواتەکێبەرکی بۆ پەرلەمانی عیراق و لیستیکی یەکگرتوی هەرێمی کوردستان دروست بکەن دور لەحزبایەتی، لیستێک كە هیچ حزب و لایەن و گروپیک لە کوردستان فەرامۆش نە کات، تابتوانرێت بەپێچەوانەی رابردوەوە ئەمجارە كورد بەدوربینی و یەکگرتوییەوە بتوانێت سود لەو فرسەتە سیاسییە ببینێت كە هاتۆتە پێشەوە.

 بەهرۆز گەڵاڵی

بەرەو ڕێگای سەرکەوتن

لەدوای راپەرینەوە هەرێمی كوردستان هیچ وەك ئەمرۆ لەبەردەم تەنگژەو مەترسیدا نەبووە، دواخستنی هەڵبژاردن بۆ چەند جارێك، یان ئەنجام نەدان و لەوەش خراپتر قبوڵ نەكردنی نەتیجەی هەڵبژاردن، دەبێتە دوابزمار لە تابوتی هەرێم، بۆیە ئەم هەڵبژاردنە بۆ ژیانەوەی هەرێمی كوردستان و جارێكی تر بۆ پێناسەكردنەوەی بەری رەنجی شەهیدانە. هیوادارم هەموو لایەنەكان بەم تێگەیشتنەوە بەشداری هەڵبژاردن بكەن و سەرخستنی كورد و كوردستان بكرێتە ئامانج، ئەوەش پێویستی بەوەیە هەڵمەتی هەڵبژاردن بەشێوەیەكی مەدەنیانەو سەردەمیانە بەرێوەبچێت تاپرۆسەی هەڵبژاردن بەسەركەوتن بگات..من وەك ئەندامێكی یەكێتی نایشارمەوەو دودڵ نیم لەوەی كەموكورتی حزبەكەی خۆم باس بكەم و رەخنەی لێبگرم، ئەوەش سوننەتێكی سیاسی ناو یەكێتیەو مامی گەورە پیادەی كردوە، بۆیە گرنگە یەكێتیەكان سەرباری هەر سەرنج و تێبینەیەك كەهەیانە دەنگیان بۆیەكێتی بێت، چونكە نكۆڵی لەوەناكرێت كە یەکێتی مێژویەکی پڕ لە قوربانی و فیداکاری زۆری هەیە، لەڕۆژگارە سەختەكاندا بونێكی سەربەرزانەی خۆی سەلماند، تەنانەت لە كاتی ئەنفالیشدا پێی لەخاك و نیشتمان دانەبڕاند و پێشمەرگە و هێزەكەی بەشێوەی پارتیزانی لەمەیدان مانەوە، ئەو مێژوە شاهێدەو خۆشبەختانە هەندێك لەسەركردەكانی ئەوكاتە باقین. وە سیاسەتی یەکێتی ،هەر لە سەرەتاوە بگرە لە دەستپێکی بزوتنەوەو کۆمەڵەوەش دروستکردنی بیروڕای ئازادوفرەیی بوە .عەدالەتی کۆمەڵایەتی بوە .هەر یەکێتیش بو ،سیاسەتی تاک حزبی لەکوردستان ڕەتکردەوەو کۆتایی پێهێنا . یەکێتی نیشتمانی ،خاوەنی بیرۆکەی هەڵگیرسانەوەی شۆڕشی نوێ و نەخشەی دانانی ڕاپەڕینیش بو . یەکێتی خاوەنی وەدەستهێنانی سیستمی فیدرالی بو . سەرۆک مامجەلال بو ،سیاسەتی نان و ئازادی بۆ ڕۆژنامەنوسان داهێنا. بەڵێ یەکێتی کۆمەڵێک کاری باشی کردوە .ئەلبەتە لێرەو لەوێش هەڵەی کردوە . بەڵام گەر بەراوردی بکەین! کارە باشەکانی زۆر زیاترەلە هەڵەکانی . بۆیە بەندە هەم وەک ئەندامێکی دڵسۆزی ئەو کۆمەڵگایە، وەهەمیش وەک ئەندامێکی یەکێتیی نیشتمانی ،داوادەکەم هەم لە دەنگدەرە بەڕێزەکان ،وە هەمیش لە هەموو دۆستان و برادەران و خزم و کەسوکاری خۆم وە هەرچی دەوروبەری هەمانە ، خوازیارم دەنگ بدەن بە لیستی (١٢٩ )،کە لیستی مام و یەکێتی نیشتمانی کوردستانە . لیستی راگرتنی هاوسەنگی كوردایەتی و مەدەنیەتە و پێویستە یەکێتیی نیشتمانی کوردستان بە بە هێزی، بۆ هاوسەنگی هێز لە کوردستان بمینێتەوە . وە لاواز بوونی یەکێتی زیانێکی گەورە بە دۆزی ڕەوای کورد دەگەیەنێ .… وە هیوادارم لە کەشوهەوایەکی برایانە و دیموکراسیانەی مۆدێرن، هەموو لایەنەکان هەڵمەتی هەڵبژاردن بێ کێشەو گرفت ئەنجام بدەن وبەوهیوایەی بە ئەنجامدانی هەڵبژاردنێکی سەرکەوتو کۆتایی بەم بارودۆخە ناخۆشە دێنین کە نە یارەکانمان هەوڵی دروستکردنی ناکۆکی و نانەوەی ئاژاوەو کارکردن بۆ دوو ئیدارەیی دەدەن . بژی برایەتی و تەبایی نێوان هەموو پێکهاتەکانی کوردستان .سەرکەوێ قەوارەی هەرێمی کوردستان .بە هیوای سەرکەوتنی یەکێتیی نیشتمانی کوردستان لەم هەڵبژاردنە چارەنوسسازو مێژوییەدا..…

بابەتەکانی بەھرۆز گەڵاڵی

بۆمبەکەی ترامپ!

بەرەو ڕێگای سەرکەوتن

بۆچی ئەم هەڵبژاردنە جیاوازە..!

بزوتنەوەی سۆسیالیستی کوردستان لە پێناو چیدا !