سەرەتا دەمەوێت بڵێم ئەم وتارەم لەژێر کاریگەری هاوسۆزی ودۆستایەتی و هاوڕێیەتی مەلابەختیاردا نیە بەقەدەر ئەوەی لەژێر کاریگەرێتی ویژدانی خۆم و تواناو شایستەیی و لێهاتوویی ئەودایە .گەر بگەڕێینەوە بۆسەردەمی لاوێتی بەرێز کاک مەلابەختیار دەگەینە ئەو راستیەی ئەو هەر لەسەرەتاوە بەتواناو کارامەیی و لێبڕاوی و خۆپێگەیاندنەوە بۆتە ئەو مەلا بەختیارە نەبەزەبری بنەماڵەو خێڵەکی نە بەخێرو بێری خەڵکی تر ، ئەو لەسەرەتای دروستبوونی کۆمەڵەی مارکسی لینینی ەوە بۆ خەباتی شارو رەوانەکردنی یەکەمین مەفرەزەکانی شۆڕشی نوێ جێگا پەنجەی دیار بووە ، لەرێکخستنەکان لێهاتوو ، لەزەبر وەشاندن لەرژێم بوێر ، لەچوونە شاخ و پێشمەرگایەتی کردن لەپێشەنگەکان بووە ، لەخوێندنەوەو خۆ ڕۆشنبیرکردن بەتوانا ، لەقسەکردن و کۆڕ بەستن لێهاتوو ، لەرابەرایەتی کردنی هەرێمەکان و مەڵبەندەکان ئازاو چاونەترس ... سەرەڕای هەموو چەرمەسەریەکان و دژایەتی کردن و تۆمەت بۆ هەڵبەستنەکانی سەردەمی شاخ نەیارەکانی پێش دۆستەکان ناتوانن نکولی لەتواناو لێهاتوویی ئەو بکەن . گەر بێتو باس لەخەباتی نوێی گەلی کوردستان و تائەمڕۆش بکرێت لەوانەی لەژمارەی پەنجەکانی دەست تێناپەڕن بێگومان یەکێک لەوان مەلا بەختیارە .من لەم وتارەمدا ناچمەوە بۆ ئەو روداوانەی بەسەری هاتوەو چی لەبەرانبەر کراو چۆن چونەوە ( ئاڵای شۆڕش ) بۆ ناو یەکێتی نیشتیمانی کوردستان .. کەهەندێک لە کارەکانی بۆی هەیە جێگای رەخنەم بوبن ، لەدوای راپەڕینیشەوە مەلابەختیار وەک کەسایەتیەکی بیرمەندو داکۆکیکار لەدیموکراسیەت و بیروڕای جیاوازو چەپخواز ، داکۆکیکار لەمافەکانی مرۆڤ ، ژنان ، کرێکاران ، گەنجان ، دژ بەناحەقی ، شەری ناوخۆ ، گەندەڵی ، حەق بێژی لەپێشەنگ بووە ، هاوکات دەتوانم بڵێم لەسەر ئاستی کوردستان ئەو کەسایەتیەیە کە زۆرترین کۆڕو سیمنارو نوسین و کتێبی سەبارەت بە تێزە جیاجیاکان نوسیوەو پێشکەش کردوە ، هەر ئەویش دامەزرێنەری بنکەی ئەدەبی گەلاوێژو ، رێکخەری چەندین فیستیڤاڵی گەلاوێژ بووە ، لەنوسین و قسەکردن و چاوپێکەوتنەکانیدا لەکەناڵە کوردی و عەرەبیەکان دا یەکێکە لەبەسەلیقەترین کەسایەتیە سیاسیەکان .&nbsp;مەلابەختیار هەمیشە بەهەڵوێست بووە لەو بابەتانەی پەیوەندیان بەبابەتی فکری و سیاسی و مەبدەئیوە هەبووە ، لەو چوارچێوەیەشدا باجی جۆراو جۆری داوە .من دیسان ناگەڕێمەوە بۆ باس کردنی ئەوەی دۆست و نەیارەکان چۆن مامەڵەیان لەگەڵ کردووە ، بەڵکو دێمە سەر کاندید بونی بۆ پۆستی سەرکۆماری عێراق ، لەلایەک هێزە سیاسیەکانی کوردستان نەگەیشتوونەتە رێککەوتن و پێشکەش کردنی یەک کاندید ،&nbsp;لەلایەکی تریش هەتا ئێستا 81 کەس خۆیان پاڵاوتووە بۆ ئەو پۆستەو نزیکەی 29 کەسیان کوردن ... بەسەرنج دان لەسەرجەم کاندیدەکان و دەتوانم بڵێم لەنێوان ئەوانەش کەلەدوای کۆچکردو مام جەلالەوە ئەو پۆستەیان وەرگرتووە مەلابەختیار لەهەموویان شایستەترو بەتوانا ترو بەئەزمون ترو سیاسی ترو رۆشنبیر ترو تێکۆشەر ترە ، لەدانوسان ، لەبابەتی هزری ، لەزمان ، لەبوێری لەکەسیان کەمتر نیە .&nbsp;ئەو دەتوانێت لەچوارچێوەی دەستوری عێراقدا و لەو هەلوجەی ئێستادا رۆڵی بەرچاو بگێڕێت ، بوێری ئەوەی تیادایە چوار قسەی خێر بۆ عێراقیەکان و گەلی کورد بکات لەو بابەتانەی پەیوەندیان بەماددە دەستوریەکانی وەک ماددەی 140و ئەو ناحەقیانەی لەگەڵ گەلی کورد دەکرێن لەبابەتی پێشمەرگەو بەشە بودجەی هەرێم ، دوقسە بکات لەسەر کۆمەڵکوژی گەلی کورد و بەجینۆساید ناساندنی کارو کردەوەکانی ئەنفال و کیمیابارانکرنی خەڵکی کوردستان ، ئەوە مەلابەختیارە لەناو دەسەڵات باس لەگەندەڵی و دزینی سامانی ووڵات دەکات ، ئەوە هەرخۆیەتی لەخانەقین بەبێ پێویست کردن بەکەس ماددەی 140 بەزیادەوە جێ بەجێ دەکات ، ئەوە مەلابەختیارە لەکەناڵە عەرەبیەکان وەڵام دەداتەوە کەرازی نیە پێمان بڵێن ئەکراد ، پێیان دەڵێت قەزیەی کوردی قەزیەی قەزایەکانە نەک فەلەستین و غەزەو حە..ما... س .ئەوە مەلابەختیارە چاوەڕوانی لێدەکرێت چوار قسە بکات لەسەر گەندەڵی لەعێراق ، بوونی مێلیشیا ، بەهەدەر دانی سەروەت و سامانی عێراق بەکوردستانیشەوە ، چوار قسە بکات لەسەر گەنجان ، دیموکراسیەت ، دەستورو مافەکانی مرۆڤ و ژنان و سەرجەم سێکتەرە گرنگەکانی پەیوەست بەژیانی خەڵکی ئەم وڵاتەوە ، نەک کەسانێک بەدرێژایی چوار ساڵ هاوڵاتیان خواخوایان بێت ورتەیەکی لێوە بێت ، کەسانێک لەچوارچێوەی دەستوریشدا نەوێرن هەڵوێستێک بنوێنن ..&nbsp;لەبابەتی بڕوابوون بەدیموکراسیەت سنگی فراوان بێت بۆ رەخنە ، کەسایەتیەکە لەدوای کۆچکردو مام جەلاللەلایەک شایستەو لێزان و قسەزان بێت و لەلایەکی تریش دەست و دڵ کراوە بێت ...&nbsp;بێگومان دەبێت ئاماژە بەوەش بکەم کە ئەوە مەلابەختیارە بەبێ بیر کردنەوە لەدەوڵەمەند بوون بەرژەوەندی کەسیەوە لەروانگەی ئەوەی کەکارێک بکات بۆ ویژدان و گەل و خاک و تێروانیەکانەوە هەوڵ دەدات بۆ ئەو پۆستەو لەهەموو شتێکیش گرنگ تر ئەوەیە کەدەڵێت ئەگەر هاتوو یەکێتی و پارتی گەیشتنە رێککەوتن لەسەر کاندیدێک ئەوا ئەو خۆی دەکێشێتەوە ئەمەش ئەوپەڕی خۆنەویستی و هەستکردنە بەبەرپرسیارێتی مێژوویی و ئەخلاقی مەلابەختیارەوە .لەلایەک شایستەو لێزان و قسەزان بێت و لەلایەکی تریش دەست و دڵ کراوە بێت ...&nbsp;بێگومان دەبێت ئاماژە بەوەش بکەم کە ئەوە مەلابەختیارە بەبێ بیر کردنەوە لەدەوڵەمەند بوون بەرژەوەندی کەسیەوە لەروانگەی ئەوەی کەکارێک بکات بۆ ویژدان و گەل و خاک و تێروانیەکانەوە هەوڵ دەدات بۆ ئەو پۆستەو لەهەموو شتێکیش گرنگ تر ئەوەیە کەدەڵێت ئەگەر هاتوو یەکێتی و پارتی گەیشتنە رێککەوتن لەسەر کاندیدێک ئەوا ئەو خۆی دەکێشێتەوە ئەمەش ئەوپەڕی خۆنەویستی و هەستکردنە بەبەرپرسیارێتی مێژوویی و ئەخلاقی مەلابەختیارەوە .بۆیە هیوادارم کەلایەنە کوردیەکان بیکەنە کاندیدی هاوبەشی خۆیان ئەو کات هەم کورد و هەم هەردوولایەنی سەرەکی و هەمیش سەرجەم خەڵکی عێراق قانزانج ئەکەن نەک زیان .

بەختیار مستەفا 

مەلا بەختیارو پۆستی سەرکۆمار 

بێگومان زۆرینەمان دەزانین کەبەدرێژایی سەد ساڵی رابردوو داگیر کەرانی کوردستان بەردەوام ویستویانە لەڕێگای ئاگرو ئاسنەوە سەرکوتی خواستەکانی گەلەکەمان بکەن و ئیرادەمان لێبسەننەوە و لەو چوارچێوەیەشدا لەهیچ شتێک نەسڵەمیونەتەوە بەکیمیاباران و ئەنفالیشەوە ...لەباکوری کوردستانیش دوای دەوڵەتی تورکیاو عەقڵیەتی فاشیزم لەدوای دەوڵەتی نوێی کەمالیزمەوە بۆ ماوەی زیاتر لەپەنجا ساڵ هەموو هەوڵ و کۆششیێکیان خستە گەڕ بۆ ئەوەی شتێک نەمێنێت بەناوی کوردەوە ، قەدەی زمان ، جل و بەرگ ، فەرهەنگ و کلتور ، ناوی کوردی هەموو شت قەدەغە کرا ، بەڵام لەکۆتایی حەفتاکانی سەدەی رابردوودا عەبدوڵا ئۆجالان و هاوڕێکانی توانیان رۆحی نیشتمانی و نەتەوەیی و بەرەنگار بوونەوە زیندوو بکەنەوە و پەکە - کەیان دامەزراند ، دوای ئەوە بەچەند ساڵێکی تر چەماغەی شۆڕشیان لەشاخ و دەرەوەی وڵات هەڵگیرساند ، چەندەها کەسی سەرکردەیان خرانە گونجی زیندانەوە&nbsp;، هەر ئەوان وردە وردە خەونی کەمالیزم و شۆفێنیزمیان کردەوە بڵقی سەرئاو .رۆژگار هات و ئەو هێزەو سەرۆکەکەی بونە ئەمری واقیع و تورکیا بهەژێن ، هێزی چەکدار لەهەموو شوێنێک دروست بکەن&nbsp;بوونە خاوەن ئابوری سەربەخۆی خۆیان ، بەسەدان هەزار کەس لەناوەو دەرەوەی وڵات بکەنە لایەنگرو دۆست و هەواداری خۆیان ، تەنانەت لەناو&nbsp;هاوڵاتیانی تورک و نەتەوە جیاوازەکانی ئەوروپاش دۆست و لایەنگریان پەیدا کرد ، لەڕوی سیاسی و دیبلۆماسیەوە بونە جێگای سەرنجی جیهان ، توانیان بۆیەکەمینجار ژنان بکەنە سەر مەشقی شۆڕش و خەبات و بوونە جێگای ئومێدی گەلی کورد لەباکورو پارچەکانی تریش .هەرچەندە دەوڵەتی تورکیا و بەپیلانگێڕیەکی نێو دەوڵەتی لەساڵی 199 دا توانیان ئوچ - ئالان بڕفێنن و دواتر دادگایی بکەن و سەرەتا حوکمی لەسێدارەدانی بۆ دەربکەن و دواتر حوکمەکە گۆڕدرا بۆ هەتا هەتایی ...ئەو کات تورکیاو زۆرێک لەچاودێراا پێیان وابوو کەئیتر ئوچ ئالان و پەکە - کەو تەنانەت بزووتنەوەی رزگاریخوازی کورد لەباکور کۆتایی هات و ئیتر تورکیا وا بەئاسانی بۆی دەچێتە سەرو کوردیش خۆیان رادەستی تورکیا دەبنەوه ... بێگومانیش بۆ هەموومان دیمەنەکەو شێوازی رفاندنەکەی زۆر&nbsp;ناخ هەژێن بوو ، ئاخر دەبێت لەوە ناخۆشتر چی بێت ببینیت بەبەرچاوی جیهان و لەبەردەم سستمی دیوکراسی جیهاندا بەپیلانگێڕیەکی نێو دەوڵەتی دور لەهەر بەهایەکی ئەخلاقی یەکێک لەهەرە سەرکردە دیارەکانی گەلەکەت بەو شێوازە بگیرێت و کەسیش خۆی نەکات بەخاوەنت ...بەڵام بەخۆڕاگریەکی بێوێنەوە بەئیرادەی ئاپۆو گەلی کورد لەباکورو پەکە - کە هەموو خەون خەیاڵەکانی ئەوانی ئاوەژوو کردو نەک کۆتایی بەو هێزە نەهات ، بەڵکو بەتاکتیک و ستراتیژی نوێوە و بەگوڕ تر کەوتنەوە تێکۆشان و ئەو هێزە نەک ملی نەدا بەڵکو زۆر لەجاران بەهێز تر بوو ، ئوچ ئالانیش نەک هەر نەبەزی بەڵکو وێڕای دابڕاندنی لەجیانی دەرەوەو هاوڕێکانی بەردەوام بوو لەنوسین و قوڵ بوونەوەی زیاتر ، دەریش کەوت کە ئەو لەهەرکوێ بێت کاریگەری خۆی هەیەو ئەو هێزەش ( پەکە - کە ) بەبێ ئوچالان پەنجە بەئاودا ناکەن و دووجەستەی لێک جیا نەبۆوەن .هەر بۆیەش بینیمان ساڵی 2013 قسەو باس سەبارەت بەپرسی ئاشتی هاتە کایەوە ، ئەوکاتیش ئوجەلان پەیامی ئاشتی بڵاو کردەوەو لەئامەدی باکوری کوردستان لەبەردەم نزیکەی ملیۆنێک هاوڵاتی کەلەزۆربەی هەرە زۆری شارەکانی&nbsp;باکورو تورکیاوە و پارچەکانی تری کوردستان و ئەوروپاوە هاتبوون پەیامەکە بڵاو کرایەوە و هەر لەسەر داوای عەبدوڵا ئوچ ئالانی سەرۆکی زیندانیکراوە چەند مەفرەزەیەکی گەریلا چونەوە تورکیاو خۆیان رادەست کردەوە وەک پیشاندانی نیاز پاکی کوردان و پەکە - کە و سەرۆکی ئەو حیزبە و ئامادەیی خۆیان دەربڕی&nbsp;بۆ بەرەو پێش بردنی پرۆسەکەو سەرکەوتنی دان و ستانەکان .بەڵام چی رویدا دەوڵەتی تورکیا راستگۆ نەبوون و هەرزوو کەوتنە پیلان گێڕان و تێکدانی هەوڵەکان و هاوکات پێیان وابوو بەو فرت و فێڵە دەتوانن پەکە - کە هەڵبخەڵەتێنن و کۆتایی بەو هێزە بێنن .بەڵام دیسان بەسەهودا چوون و نەیانتوانی بەخەونەکەیان بگەن ، لەو کاتەشەوە تا ئەمڕۆ تورکیا شتێک نەماوە بەرانبەر بەگەلی کورد لەباکورو پەکە - کە ئەنجامی نەدەن ، گرتن ، ڕاوەدونان دانانی قەیوم ، هێرش و لەشکرکێشی زەمینی و ئاسمانی ، بەکار هێنانی چەکی قەدەغە کراو ، هێرشی درۆنی و دەرونی و تا دوایی ..هەموو ئەمانە نەک نەیانتوانی ئیرادەی گەلی کورد لەباکور لەناوبەرن ، بەڵکو هێزی کوردان زیاتر بوو ، کورد توانی بەربەستی لەسەدا %10 لەمپەری بەدەم چوونە پەرلەمان تێپەڕێنێت ، کورد هیوای زیاتری بۆ دروست بوو ، بارو دۆخی رۆژئاوای کوردستانیش گۆڕانکاری بەسەردا هات و لەوێش کورد بووە ئەمری واقع و شەری تیرۆرو تاریکخوازانیان کرد وێنایەکی جیاوازیان نیشانی جیهان دا ، هەموو ئەمانە تورکیاو ئەردۆغان شێتتر بوون و دەبینین لەهیچ ناگەڕێنەوە ، لەشکرکێشی بۆسەر باشورو رۆژئاوا ، گرتن و کوشتنی بەناحەقی خەڵکی سفیل و رۆژنامەنوس و زۆر کارو کردەوەی نامرۆڤانەی تر ...&nbsp;دوای هەموو ئەمانە و گۆرانکاریەکانی ناوچەکە و شەڕی غەزەو لوبنان و کوژرانی زۆرێک لەسەرکردەکانی حەما - س و حزبوڵای لوبنانی و لێدان لەهیلالی شیعی و راکردنی بەشار ئەسەدو روخانی رژێمەکەی و ڕەخساندنی هەل و مەرجی باشتر بۆ کورد ، داگیر کەرانی کوردستانی تۆقاندووە و بەتایبەتیش تورکیا کەلەوە دەترسن لەم گۆرانکاریەی ناوچەکە ، گۆرانکاری بەسەر نەخشەی ناوچەکەدا روبدات و ئەوەی لێی تۆقیون بێتە دی و کورد ببێتە چوارچێوەی تایبەت بەخۆی ... لەهەڵپەی ئەم ڕوداوانەدا جارێکی تر بیرۆکەی ئاشتی لەلایەن دەوڵەت باخچەلیەوە هاتەوە کایە ، حزبەکان و پەرلەمانی تورکیا هاتوونەتە پێش و ناو باسەکەوە ، وەفدی ئاشتی ودەم پارتی چوونە ئیمراڵی و قەندیل و هەولێر و پەرلەمانی تورکیا و هەنگاوەکان بەرەو پێشەوە دەڕۆن پەکە - کەو ئوچ ئالانیش ئامادەییان بۆ ئاشتی دەربڕی ، دەبوایە پەیامی ئوجەلان لەلایەن خۆیەوە بخوێندرایەتەوە ، بەڵام دواتر گۆڕانکاری بەسەردا هات و لەلایەن وەفدی دانوسانکارەوە خوێندرایەوە ، بینیشمان کاریگەری ئاپۆ لەسەر شەقامی کوردی لەباکورو ئەوروپاو پەکە -کە و دنیای دەرەوە چەندە بینیمان چۆن پێشوازی لێکرا ، پەیامەکەی ئوچ ئالان رون و ئاشکرابوو ، هەر دەموو دەستیش پەکە - کە دیسان وەک نێت پاکی ئاگر بەستی راگەیاند .راستە لەپەیامەکە هاتووە کە پێویستە پەکە - کە کۆنگرە ببەستێت خۆی هەڵبوەشێنێتەوە ، بەڵام ئەمە چ کاتێک ؟ ..بێگومان ئەو کاتەی کەدەستوری تورکیا گۆڕانکاری بەسەردا بێت ، جێگای مافی گەلی کوردی تیادا بکرێتەوە ، دەرگای زیندانەکان بکرێتەوەو ئوچ ئالان و ئەو هەزارەها کوردەی لەتورکیا گیراون ئازاد بکرێن ، تورکیا بنەماکانی دیموکراسیەت و ئازادیە سیاسیەکان بەڕەسمی بسەلمێنێت ، گرنتیەکی نێو دەوڵەتی و دەستوری هەبێت و ماف بگەڕێتەوە بۆ خاوەن ماف ، لێبوردن بۆ گەریلا دەربچێت دور لەفرت و فێڵ ، ئەو کات دەکرێت باس لەهەموو شتێک بکرێت بەچەک دانانیشەوە ، بەدەر لەوانە هەرگیز شتی لەو جۆرە نابینن تەنانەت بەخەونیش ، لێرەو لەوێ دەبیستین کەخەڵکانێک دەڵێن ئەمە ئاش بەتاڵێکی ترە ، کەبێگومان وانیەو نە ئاپۆو نە پەکە - کەش ئەو هێزەن کە بەو ئاسانیە هەموو شتێک کۆتایی پێبێنن هەرگیز لەقاموس و فەرهەنگی ئەواندا بیرۆکەی لەو جۆرە نیەو جێگای نابێتەوە .&nbsp;ئەوەی ئێستا هەیە ئەوەیە کە ئاپۆ لەلایەک&nbsp;تۆپەکەی هەڵداوەتە گۆڕەپانی تورکیاوە و سەیر دەکات راستگۆیی و نیەت پاکی ئەوان چۆنە و چی دەبێت ، لەلایەکی ترەوە سەلماندی کە ئەو نەک لەزیندانی ئیمرالی بەڵکو لەگواتانامۆش بێت و تەنانەت لەژیانیشدا نەمێنێت رۆح و عەقڵ و بیری ئەو لەقەندلەو هەر لەوێش دەمێنێتەوە ...&nbsp;ئێستا دەرکەوت کەنە زیندان ، نەکوشت و بڕو هەموو ئەوانەی باسمان کردن ناتوانن بەر بە ئیرادەی گەلی کورد بگرن ، ئوچ ئالان ئێستا لەزیندان نیە لەئامەدە ، لەوانە ، لەقەندیلەوە قسە دەکات بەقەدەر قەندیلیش باڵا بەرزە ...&nbsp;لەکۆتایشدا دەڵێم لەکۆتاییدا ئەوە خودی پەکە - کە و ئوچ ئالانە بڕیار دەدەن چۆن مامەڵە لەگەڵ دۆخەکەو پرسەکەدا دەکەن و مافی خەڵکانی تر نیە ببنە دەم ڕاستی ئەوان و بەکەیفی خۆیان لێدوان بدەن و ڕێ و شوێنیان بۆ دابنێن .

 بەختیار مستەفا

ئۆجالان لە قەندیلە

گەربێتوو چاوێک بەمێژووی دوای راپەڕیندا بخشێنینەوە ، دەبینین&nbsp;جەماوەرو هاوڵاتیانی ستەم دیدەی کوردستان هەر لەسەرەتای راپەرینەوە هەڵوێستی جوامێرانەی خۆیان وەک پێش راپەڕین دوبارە کردەوەو سەری بەرزیان بۆ مووچەی رژێمە نەگریسەکەی بەعس نەوی نەکرد ، جەماوەر بەئاپۆڕاو دەست بەسنگ و چەپڵەرێزانەوە ریز دەبوون بۆ تێکۆشەرانی دوێنێی شاخ ... خەڵک بەرگەی گەمارۆی ئابوری نێودەوڵەتی و عێراقیان گرت .. چوونکە خەڵک تینوی ئازادی و رزگاری بوون هێشتا رۆحی شۆڕشگێڕی و نیشتمانپەروەری تیایاندا زیندو بوو جیاوازیەکی ئەوتۆیان لەنێوان خۆیان و هێزی پێشمەرگەو بەرپرسەکاندا نەدەبینی بۆیە لەلایەک ئامادە بوون بۆ بەرگەگرتنی نەبوونی و برسێتی و بێ&nbsp;مووچەیی،&nbsp;و دیسان جەماوەر ئامادە بوون ماڵ و حاڵی خۆیان خستەوە خزمەتی تێکۆشەرانی دوێنێ و حکومەتی هەرێمی ساوای هەرێمەوەهەمووان تا کەشکەلانی فەلەک دڵیان بەهەڵبژاردنی پەرلەمانی کوردستان و پێکهێنانی حکومەتی هەرێم خۆش بوو ، زۆرێک لەخێزانەکان کەس و کاریان بەکۆڵ دەبرد بۆ سەر سندوقەکانی دەنگدان ، بەجل و بەرگی ئاڵ و واڵاو ئاڵای کوردستانەوە بەجۆش و خرۆشەوە دەچوون بۆ&nbsp;دەنگدان ، هەڵبژاردن ئەنجامدرا و یەکەمین کابینەی حکومەتی هەرێم راگەیەندرا ، بووینە جێگای سەرنجی دۆست و دوژمن ، دۆستەکانمان خۆشحاڵ و نەیارانیش خەریک بوون دەتەقین .. هەمووان چاومان لەوە بوو لەژێر حوکمڕانی کوردیدا لەستەم&nbsp;رزگار دەبین ، کەس لەبازگەکان سوکایەتی بەگەنجەکانمان ناکات ، ئازادی ، یەکسانی ، دیموکراسیەت و مافی مرۆڤ و سەرفرازی بۆ گەل بەرێوەیە ...کەچی بەداخەوە هەرزوو دیسان حزبە حوکمڕانەکانی ئەمڕۆ دیسان تووشی&nbsp;شەڕی براکوژیان کردینەوە ، دواتر دێگەڵە کرایە سنور ، زۆنی زەردوسەوز دروست کرا ، رەنگەکان ، شەهیدەکان ، داروبەردی باشور دابەشکرا ، بەشەرێکی ماڵکاولکارانە هەزاران رۆڵەی ئەم نیشتیمانە کرانە قوربانی ، بۆ یەکتری خستن لەهیچ نەوەستانەوە تا وای لێهات پەنا برایە بەر&nbsp;بەغداو ئێران و تورکیاوە ... هەتا ئەمڕۆش دەیان دیلی شەڕی ناوخۆ بێسەرو شوێنن ..دوای ئاشتبوونەوەو یەکخستنەوەی حکومەت ( بێگومان بەفشاری دەرەکی ) ، ئەمجارەیان شەدی پشک پشکێنەو دامەزراندنی خەڵک بەلێشاوو بەلیست دەستی پێکرد ، لیستی زەرد بەجیاو لیستی سەوز بەجیا بەرز دەکرایەوە بۆ حکومەت بەبێ رەچاو کردنی ئەوەی ئەو هەموو خەڵکە پێویستە دابمەزرێندێن یاخود نا ، گرنگ ئەوەیە هەرکەس لێستی خۆی هەبێت و وەلائەت بۆ خۆی پەیدا بکات ... بێگومان هەموو ئەو لیستانە بە بەتەزکیەو پشگیری حزبی دەکران ... بەو شێوازەمان هێنا هەتا روخاندنی رژێمی بەعسی سەدامی دیکتاتۆر .ئەمجارەیان چوونە بەغدا بۆ درستکردن و سەرپێ خستنەوەی&nbsp;حکومەتی نوێی عێراق و هێزە کوردیەکانمان بەهەموو قورساییان چوونە ئەوێ . ..&nbsp;زۆربە بیریانە حکومەتی عێراق تەنانەت پۆلیسێکی هاتوچۆشی نەمابوو رێگاو بانەکانی پایتەختی پێ رێکبخەنەوە .. هێزە کوردیەکان&nbsp;چوون بەغدادایان&nbsp;هەستانەوە سەر پێی خۆی ، لەجیاتی داواکردنی سەربەخۆیی و کۆنفیدراڵی کەوتنە هەڵپەی پارەو پۆست و پشکی حیزبی نەک پشکی کوردستانی .. دیسان لەجیاتی یەکڕیزی ، کەوتونەوە چی بۆ من و چی بۆتۆ ؟ .لەو کاتەوە تا ئەمڕۆ چەندین سەفقاتی حزبیان بۆ بەرژەوەندی کەسی و حزبی و&nbsp;لەدژی یەکتری و زیان بۆ گەلەکەمان ئەنجام داوە ، هەرچەندە هەتا 2014 ش بەپێی ئەزمون و کەسایەتیەکانی کوردستان لایەنە عێراقیەکان بەبێ کورد نەیاندەتوانی بەبێ گەڕانەوە بۆ کورد و هێزو سەرکردە کوردیەکان پەنجە بەئاودا بکەن ، بەڵام دیسان کورد نەیتوانی ئەو هەلانەش بقۆزێتەوە ، ئەوەتا دەبینین ئەمڕۆ بەچی گەیشتووین ، وەزیرێکی دارایی چی بەکورد دەکات ! .دوای سەرهەڵدانی دا - عش و پەلاماردانی ناوەراستی عێراق و نزیکبوونەوەش لەناوچەکانی دەسەڵاتی هەرێم ، بەهۆی پشتیوانی نێو دەوڵەتی بۆ هەرێم دیسان هەل و مەرجی باش بۆ کورد رەخسا ، مەسەلەی ریفراندۆم هاتە پێش ، بەڵام ئەمجارەش وەک جارانی تر&nbsp;بەپەرتەوازەیی هێزە سیاسیەکان و ململانێکان و هەرکەس بۆخۆی و بێ متمانەیی بەیەک و باش دیقەت و&nbsp;سەرنج نەدان لەهەل و مەرجەکان ، لەخۆبایی بوونی هەندێک و رقەبەرایەتی&nbsp;دیسان بینیمان چۆن ریسەکانتان کردەوە بەخوری ... قسەی من لەسەر باشی و خراپی پرۆسەکە نیە بەقەدەر ئەوەی مەبەستم لەناتەبایی ماڵی کوردیە ..هەرچۆنێک بێت لەبەغداوە بودجە بڕا ، هەرێم لەسەر رای خۆی سور بوو ، ئابوری سەربەخۆ ڕاگەیەندرا ، هەر بەهۆی شەری دا - عش و پەیدابوونی پەتای&nbsp;کڕۆناوە نرخی نەوت بەبەردەوامی روی لەنزمبوونەوە کرد .. نەتوانرا مووچە دابین بکرێت ، پەنا بردرایە بەر پاشەکەوت و لێبڕینی مووچە ، بەشێوازێک هەتا ئەمڕۆش درێژەو لێکەوتەی هەیە ..دیسان لێرە قسەو باسی ئێمە لەسەر ئەوە نیە پرۆسەی ئابوری سەربەخۆ باش بوو یان خراپ ، کێ تاوانبارەو کێ تاوانبار نیە ، لەنێوان بەغداو هەرێم کێ لەسەر هەقە ؟ بەڵکوباس لەوە دەکەم لەهەر کوێیەکی دنیادا بێت ئیدارەو حکومەت بەرپرسن لە ژیان و ئاسایش و مووچەو پاراستنی شکۆو کەرامەتی تاکەکان ، حکومەت بەرپرسە لە رێگاو بان و تەندروستی و خوێندن و فەراهەمکردنی ئاوو کارەباو سوتەمەنی .. لەدابینکردنی پێداویستیەکانی ژیانی رۆژانەی خەڵک ، لەهەر دانوستاندنێکی ناوخۆیی و دەرەکی&nbsp;ئەمەش رێک بۆ حکومەتی هەرێمش دروستە&nbsp;... بەڵام بەداخەوە هەتا ئەمڕۆ هەڵەکان بەردەوامی درێژەی&nbsp;هەیە ، لێڕین و بەژێر لێوەوە کردنی مووچەیەک و دوان لەساڵێکدا بوونی هەیە ، مووچەی هەر مانگێک دوای 50 _ 70 رۆژ دەدرێت کەپارەکەش دێت بەهەفتەیەک دابەش دەکرێت و لەهەمووشی سەیر تر هەواڵی گەیشتنی پارەو لیستی موچە لەدوای&nbsp;حەفتا رۆژ وەک&nbsp;مژدە لەدەزگاکانی راگەیاندنەوە بڵاو دەکەنەوە !برینی مووچەو لێبڕین بۆتە شتێکی ئاسایی و باوو ڕۆتین لەلای حکومەت ..کەچی تازە بەتازە هەندێک بەناو بەرپرس پرسیاری سەیر سەیر و گومان لەسەرمامۆستایان و فەرمانبەرانی&nbsp;مانگرتوو دادەنێن !ئەمەت لەکوێ بوو ئەوەتلەکوێ بوو ؟ کاکی بەرپرس&nbsp;پرسیارەکان بەو شێوەیەی ئێوە ناکرێت بەڵکو دەبێت پرسیارەکان ئا بەم شێوەیە بکرێن؟- کێن ئەوانەی ئینتیمای نیشتمانیان لای خەڵکی کوردستان لاواز کردوە ؟_ کێن ئەوانەی شەڕی نەگریسی ناوخۆیان هەڵگیرساندو هەتا ئەمڕۆش بەشێوەی سارد درێژەی پێدەدەن ؟_ کێ بوون ئەوانەی&nbsp;بەلیستی حزبی و بەلێشاو و بەبێ پلان و بەبێ ئامار خەڵکیان دادەمەزراندو&nbsp;وەلائەتی خەڵکیان ئەکڕی و بەدەست دەهێنا ؟ بندیواریان داهێنا ؟&nbsp;- کێن ئەوانەی رۆژ بەرۆژ بوونەتە بەرتەسک کردنەوەی ئازادیەکان و دیموکراسیەت و مافەکانی مرۆڤ ؟_ کێن ئەوانەی ماددەی 140 یان سەر بەقوڕدا کرد ؟_ کێن ئەوانەی گوندنشینیان لەکوردستان&nbsp;نەهێشت ، کشتوکاڵ و ئاژەڵداریان لەکوردستان وێران کردوو گەنجانیان کردە پۆلیس و پێشمەرگە ؟ _ کێن ئەوانەی دوای 30 ساڵ لەحوکمڕانی نەیانتوانیوە ڕێگای رانیە - سلێمانی - کەلار سلێمانی ، یاخود ئاوی خواردنەوەی هەولێر و چەمچەماڵ ، یان کارەبای 24 کاتژمێری بۆ هاوڵاتیان دابین بکەن ؟_ کێن داهێنەرانی بەخەسخەسەو بە ئەهلی کردنی کەرتەکانی خوێندن و تەندروستی و ئاوو کارەبا ؟_ کێن ئەوانەی چەندین پڕۆژەیان سەقەت کردوەو تەواو نەکردوەو دوا خستووە سەرەڕای تەخسیس کردنی پارەش بۆی ؟ _ کێبوون ئەوانەی پارەی بانقەکانیان سپی دەکردەوە و کڕین و فڕۆشتنیان بەچەکی بانقەکانەوە دەکرد ؟_ کێن ئەوانەی بەپێی بەرژەوەندیە حزبیەکانیان پەردە لەسەر کەم و کوڕیەکانی یەکتر هەڵدەدەنەوە یان پەردە پۆش دەکەن ؟ _ کێن ئەوانەی هەتا ئەمڕۆش لەبەغداد خەریکی سەفقاتی سیاسی و حزبی و مادین بئ گوێدانە بەرژەوەندیە باڵاکانی نەتەوەو نیشتیمان .. کەبێگومان لەهەرێمیش هەمان شت دەکرێت ؟ _ کێن ئەوانەی بەم کارو هەڵانەیان کەئەنجامیان داوەو دەدەن و بەهۆی دواکەوتن و پاشەکەوتکردنانەی مووچەوە بونەتە هۆکاری لەبەریەک هەڵوەشاندن و لێکترازاندنی هەزاران خێزان و پەرتەوازە کردنی منداڵەکانیان و کۆچکردنی بەکۆمەڵی خەڵک و خنکانیان لەڕێگای هات و نەهاتی هەندەران .. کێ لەم هەموو قوربانیانە بەرپرسە یان خۆی کرودۆتە خاوەنیان ؟&nbsp;کێ لێیان بەرپرسیارە ؟ئێستاش لەدوای ئەم هەموو کارەساتەی بەسەر ئەم خەڵکە بەش مەینەتەیان هێناوە ، هەندێک بەناو بەرپرس روودەکەنە ئەم چەند مامۆستاو فەرمانبەرانەی کەمانیان لەخواردن گرتووەو داوای مافی رەوای خۆیان و سەرجەم مووچەخۆرانی هەرێم دەکەن تۆمەتیان بەسەردا دەبەخشنەوە ، باس لەوە دەکەن کە حزبی سیاسیان لەپشتە ، یان فڵان کەسیان لەپشتە ، یان دەوترێت فڵان مامۆستا ئۆتۆمۆبێلەکەی ئەوەیەو مۆبایلەکەی ئایفۆن 16 یە ... یەکێکی تریان ئەڵێت پێویستە بچنەوە دەوام بکەن و هتد ...!کەخۆشیان باش دەزانن باوی ئەم جۆرە قسانە نەماوە چوونکە : هەموان دەزانین خوێندنی منداڵانی بێتاوان شتێکی خراپە. دەشزانین پەککەوتنی نەخۆشخانەو هاتوچۆوئاگرکوژێنەوە و ئەمبوڵاس و وەستانی کاروباری فەرمانگەکان خراپە ؟ بەڵام دەبێت پرسیار بکرێت مامۆستاو فەرمانبەری کرێ نشین و بێ پارەو بەبرسێتی چۆن بتوانن دەوام بکەن ؟ پرسیاری سەرەکیش لەئێوەی بەرپرسان ئەمەیە :_ منداڵی کام بەرپرستان لەخوێندنگە حکومیەکان دەخوێنێن ؟ _ منداڵ و کەس و کاری کام بەرپرستان بۆ تا لێهاتنێک ناچێتە نەخۆشخانەکانی وڵاتانی دەروبەرو ئەوروپا ؟ هەم زیارەت و هەم تیجارەت ؟_ ماڵی کام بەرپسەتان بەیەک دوو ئەمپێر کارەبا دەروات بەرێوە ؟ _ کام بەرپرسەتان مووچەی مانگێکی بەقەدەر مووچەی 4 بۆ 6 و بگرە بە 10 ی مامۆستاو فەرمانبەرو&nbsp;زیاتریش نیە ؟ _ کام بەرپرسەتان هەیە مۆبایلی نەک خۆی بەڵکو سەرجەم ئەندامانی خێزانەکەی ئایفۆن 16 نەبێت ؟ _ کام بەرپرس و نیمچە بەرپستان هەیە نەک ئۆتۆمۆبێلێک ریزێک ئۆتۆمۆبێلی دوایین مۆدێل و دەرع -&nbsp;ی بەدواوە نەبێت ؟کامتان هەیە ئینتمای حزبی یاخود سۆزی بۆ لایەنێکی سیاسی نەبێت ؟ ئایا تاوانە یان حەرام ئەگەر کەسانێکی تر سەر بەهەر حزبێکی سیاسی بن یان سۆزیان هەبێت ؟ شتەکان بەو پێودانگە ناپێورێن بەڵکو داواکایەکانیان ڕەوایە یان نا ؟ ئەوانیش خەڵکی ئەم وڵاتەن و وەک تاک و بەرپرسێک ئەرک و مافی لەسەرەو هەیە یاخود نا ؟ لەوڵاتان کاتێک کەسێک هەڵدەبژێردرێت بۆ سەرۆکی وڵات یان حکومەت ، یان پۆستێک وەردەگرێت دەبێتە سەرۆکی هەمووان و بەرپرسیارێتی هەمووان لەئەستۆ دەگرێت خەمی هەووان هەڵدەگرێت هەمووان وەک کەس و کاری خۆی سەیر دەکات&nbsp;&nbsp;نەک تەنها ئەندامانی حزبەکەی خۆی ، کاتێک هەڵە دەکات داوای لێبوردن لەگەلەکەی دەکات ، کاتێک گەندەڵی لەسەر دەبێت دەست لەکار دەکێشێتەوەو&nbsp;دەدرێتە دادگا ، هەندێکیان خۆیان دەکوژن ! ئەی لێرە ؟ .لەکۆتاییدا هەندێک&nbsp;ئەم بەناو بەرپرسانە لەجیاتی ئەوەی داوای لێبووردن لەمانگرتووان و تاک بەتاکی ئەم گەلە بکەن لەو هەموو دەردەسەری و چەرمەسەریەی بۆیان دروست کردون ، پێیان بڵێن هەموو خەڵکی کوردستان مافی بەسەرمانەوە هەیە حەقی گلەیی و&nbsp;نارەزایەتی و مانگرتن و هەر شتێکتان هەیە ؟ لەجیاتی ئەوەی بڵێن دیموکراسیەت و ئازادی را دەربڕین مافی هەموو تاکێکە ، لەگەڵتانین پشتیوانیتان دەکەین هەوڵ دەدەین چیمان پێدەکرێت ئەنجامی بدەین بۆ دەرباز بوون لەم رەوش و هەل و مەرجە ... لەجیاتی ئەوەی بڵێن هەوڵ دەدەین&nbsp;ئەو مووچە پاشەکەوتکراوو لێبڕاوانەشتان بۆ بگێڕینەوە یان هیچ نەبێت بۆتان بخەینە جێگای قەرزەکانی حکومەت لەئاوو کارەباو باجەکان ، هەوڵ دەدەین ئەوەی خراپمان کردووە چاک و ڕاستی بکەینەوە ، لەجیاتی ئەوەی پێیان بڵێن ئێوە ڕۆڵەی ئێمەو گەلەکەمانن هەندێک لەو بەناو بەرپرسانە دەستی تۆمەت دەخەنە پاڵ ئەم شێرە ژن و کوڕانە بەمەبەستی کەمکردنەوە لەگرنگی کارەکەی ئەمان .. ئەرێ حکومەت و بەرپرسان پێمان بڵێن&nbsp;ئەم هەموو راوێژکارو دەستەو تاقمە چیە ریزتان کردووە ؟ ئەرێ کەسێک نیە راستیەکانتان بخاتە بەردەم ؟&nbsp;کەسێک نیە واز لەبەرژەوەندی کەسی&nbsp;بێنێت و دەست بخاتە سەر ویژدانی و چوار ووشەی رێک و پێکتان بۆ بنوسێت و بخاتە بەردەمتان و راستیەکانتان بۆ ئاوەژوو نەکەن ؟ ئەرێ پێمان بڵێن ماندوو نەبوون لەماندو کردنی ئەم گەلە ؟ .

داخوازیەکانی مانگرتوان لەنێوان ڕەوایەتی و تۆمەت بەخشینەوەدا

گەر سەرنج لەمێژووی گەلەکەمان بدەین ، دەبینین زۆرێک لەروداوە خۆش و ناحۆشەکان ، سەرکەوتن و نوشستەکان کەوتوونەتە مانگی 3 وە .رۆژی 5 ئازار گڵپەی راپەڕین لە دەروازەی راپەڕینەوە لەشاری رانیە دەستی پێکرد .6 ی ئازاری 1975 رێککەوتنی جەزائیر لەنێوان سەدام حوسێن – ی جێگری سەرکۆماری ئەوکاتی عێراق و محەمەد رەزا پەهلەوی شای ئێران بەسەرپەرشتی هواری بۆمیدن سەرۆکی ئەو کاتی جەزائیر واژۆ کرا ، بەپێی رێککەوتنەکە عێراق دەستبەرداری بەشێکی زۆر لەقوڵایی شەتولعەرەب کرد لەبەرانبەر ئەوەی شای ئێرا پشت بکاتە شۆڕشی کورد …7 ی ئازارراپەڕینی شاری سلێمانی رویداو رژێمی بەعس لەشارەکە وەدەرنرا .11 ی ئازاری 1970 لەنێوان شۆڕشی کوردو حکومەتی عێراق ئیمزا کرا ، بۆ یەکەمین جار لەمێژووی دروستبوونی عێراقەوە داننرا بەئۆتۆنۆمیەکی ئیداری و سەربازی بۆ کوردستان ، کورد بەچوار وەزیر بەشداری حکومەتیان کرد ، ئەو رێککەوتنە 15 خاڵ بوو هەشت خاڵی راگەیەندراو حەوت خاڵی تری کەپەیوەندی بەکەرکوکەوە هەبوو بەنهێنی مایەوە ..هەر لە 11 ی ئازاری 1991 شاری هەولێر لەدەستی رژێمی فاشستی بەعس رزگاری بوو ..بەهەمان شێواز 14 ئازار شاری دهۆک ..بۆ یەکەمین جاریش لەمێژووی عێراقدا لە21 ی ئازاری 1991 شاری کەرکوک لەژێر چەپۆکی رەشی بەعس رزگار کرا .وەک ئەوەی دەشیزانین لە 16 ی 3 ی 1988 رژێمی دیکتاتۆرو فاشستی بەعسی سەدامی هەستا بەکیمیا باران کردنی شاری هەڵەبجەو بەهۆیەوە زیاتر لە 5000 هەزار کەس شەهید بوون و هەزارەهای تریش بریندار بوون ، بەجۆرێک زۆرێک لەو بریندارانە هەتا ئەمڕۆش بەدەست ئاسەواری ئەو کیمیا باران و بریندار بوونەوەیان دەناڵێنن و توشی جۆرەها چەرمەسەری تەندروستی بوون .بێگومانیش هەمووان بە رۆژی 21 ی پرشنگداری ئازار لەمێژووی گەلەکەمان دورو نزیک ئاشناین بەجۆرێک بۆتە سونبولی خەبات و تێکۆشان و سەرکەوتنی گەلی کورد ..هەموو ئەو روداوانەی سەرەوە پێمان دەڵێت ، ئەو دەستکەتانە ئەو کارەساتانە بەئاسانی بەدینەهاتوون ، خەڵاتی هیچ حوکمڕانێک نەبووە ، بەڵکو لەئەنجامی گیان بازی خەڵکی کوردستان و پێشمەرگەو تێکۆشەرانی شارو شاخ و زیندانیان و شەهیدانی ئەم گەلە ستەمدیدەیە هاتوونەتە دی ..سەرجەم شارو شارۆچکەو گوندو داروبەردی کوردستان پریشکی ئاگرو بۆردومانی فڕۆکەو تۆبباران و بەکارهێنانی چەکی قەدەغە کراوی بەرکەوتووە ، ئەنفال و کیمیا باران کراین … بەدەگمەن خێزان و خانەوادە هەبێت بەجۆرێک لەجۆرەکان ئەزیزێکی لەدەست نەدابێت .لەدوای راپەرین و راماڵینی بەعس و ئاوارە بوونی خەڵکی باشور بۆ سەر سنورەکان و دەرچوونی بڕیاری 688 ی نەتەوە یەکگرتووەکان و دانانی هێڵی دژە فرین ، وردە وردە هەل و مەرج باشتر بوو ، بەرەی کوردستانی بڕیاری هەڵبژاردنی دا و بۆ یەکەمجار بەشێوازی دیموکراسیانە لەهەرێمی کوردستان هەڵبژاردن ئەنجامدرا و حکومەتی هەرێمی کوردستان هاتە ئاراوە ، فیدراڵی ئیقرار کرا ، ئەم هەنگاوانە هەمووانی دڵخۆش کرد ، ئاهێک بەبەری گەلدا هاتەوە، کەیشتینە ئەو بڕوایەی کەئیتر کورد پەندی لەهەڵە مێژووییەکانی وەر گرتووە ، ئەمجارەیان بەیەکگرتوویی بەرەو ئاسۆ هەنگاو دەنێنین ، خەڵک ئینتیمای نیشتیمانی لەلوتکە بوو ، سەری بەرزی بۆ مووچە دانەدەواند ، بەجۆرێک لەجۆرەکان پانتایی دیموکراسیەت لەهەرێم فراوانتر دەبوو ..بەڵام بەداخەوە ئەوەندەی نەبرد دیسان سەرانی کورد ریسەکەیان کردینەوە بەخوری ، بەرەو شەڕی براکوژیان بردینەوە ، ئەم کارەیان لەکاتێکدا کرد کەسەرکردە دیارەکان دەیانووت دەبێت دوژمنانی کورد بەو ئاواتەوە سەر بنێنەوە ئێمە جارێکی تر شەڕی براکوژی بکەینەوە .بەڵام بەداخەوە بەشێوازێکی خراپتر دەستیان پێکردەوە ، شەڕی p . k.k یان کرد ، شەڕی یەکێتی و پارتی دەستی پێکردەوە ، شەڕی بزووتنەی ئیسلامی و یەکێتی … بەکورتیەکەی ئەوەی دوژمن پێی نەکردبووین کورد بەکوردی کردەوە .دواتر بەفشاری دەرەکی و ناوخۆیی ئاشتبوونەوە کرا ، هەرچەندە زۆرێک وای دەبینن هەتا ئەمڕۆش هەر روکەشەو بەناچاری کراوە .دوای هەموو ئەمانە هەلومەرجی نێودەوڵەتی و بەرژەوەندیە جۆراو جۆرەکان وایکرد رژێمی بەعس بڕوخێت ، بەغدا پۆلیسێکی هاتوو چۆشی نەما ، بۆشایی ئیداری و حوکمڕانیەوە ، لەو رەخساندنی هەل و مەرجە باشەدا بۆ کورد ، لەجیاتی هەوڵ دان بۆ بەدەستهێنانی زۆرترین دەستکەوت و پێداگری لەجیابوونەوەو دەوڵەت ، دیسان سەرکردەکانی کورد کەوتنەوە هەڵپەی پۆست و پارە ، لەو نیمچە دەستکەوتانەش کە لەدەستوری عێراقدا چەسپێنراون نەمانتوانیوە تاکە خاڵێکیش بەرینە پێش و جێ بەجێی بکەین ، بەتایبەتی لەو ماددانەی پەیوەندی بەناوچە دابڕێنراوەکانەوە هەیە … بێگومان لایەنی عەرەبی عێراقیش لەکاتێکدا رازیبوون بەو ماددانە کەخۆیان لەوپەڕی لاوازیدا بوون .لەو کاتانەدا هەولێر و سلێمانی جمەی دەهات و لێگا لێگا وەفدی عەرەبی دەهاتن بۆ پێکهێنانی حکومەت … کەچی بەهەڵەی خۆمان دیسان گەیاندمانە ئەوەی لەپێکهێنانی حکومەتدا ئامادە نەبن بۆ چەند کاتژمێرێک چاوەڕوانی کورد بکەن ..لەدوای سەرهەڵدانی دا – عش و ئاڵۆزیەکانی عێراق و ناوچەکە و دروست بوونی هەڕەشە لەسەر هەمووان و هاتنی هێزەکانی هاوپەیمانان و دروست بوونی شەڕ لەناوچەکە و وەدەرنانی ئەو هێزە نەگریسە تاریکە دیسان هەل و مەرجێکی زۆر باش بۆ کورد رەخسایەوە ، بەڵام دیسان ململانێ حیزبیەکان و دوبەرەکی سەری هەڵدایەوە ، هەرحیزبێکی سیاسی پێی وایە کورد واتە خۆیان ، ئەگەر ئەوان نەبن کورد تیادەچێت ، خۆهەڵواسین بە وڵاتانی دراوسێ و گرێدانی مانەوەو بەرژەوەندیان بەوانەوەو گوێڕایەڵی حزبەکانی دەسەڵات بۆ ئەوان و تەراتێن کردنی میت و ئیتڵاعات ، کارو کردەوەکانیان بوونە هۆکاری نەمانی ئینتیمای نیشتمانی ، کاریان گەیاندۆتە ئەو ڕادەیەی کە هاوڵاتیان ئەوەیان لەبیر بچێتەوە کەکورد بۆچی سەد ساڵە شەڕی بەغدا دەکات ؟ کەرکوکی قودس و دڵی کوردستان لەچ بارودۆخێکدایە ؟ ناوچە دابڕێنراوەکانی تر چی لێهات ؟.خەڵکی وای لێهاتووە تەنها خەیاڵی لای ئەوە بێت ئایا مووچەدێت یان نایە ؟بەغداش بەئامۆژکاری ووڵاتانی دراوسێ و خۆ بینین لەحاڵەتی بەهێزیدا بۆشی ئەمانی گرتووەو بەشێوەیەکی باش ئیستغلالی ئەو هەلە دەکات و بەباشی ئیدارەی قەیرانەکان دەدات .لەم بارودۆخەدا لۆمەی کەس ناکرێت ، هاوڵاتیانی کوردستان ئەوەی لەسەر شانیان بووە لەهەموو قۆناغەکاندا بەزیادەوە کردوویانە ، ئەوە دسڵاتدارانی کوردستانن رۆژی کوردستانیان گەیاندە ئەم ڕۆژە ، ئایندەی ئەم گەلەتان خستە قوڕگی شێرەوە ، تازە بەسەد ساڵی تریش ئەو هەلە زێرینانەی رابردوو دوبارە نابنەوە ..گەر بهاتباو رێز لەهاوڵاتیان گیرابا ، لەسەر بنەمای ئینتیمای حیزبایەتی هەلی خوێندن و دامەزراندن و زەوی دابەش کرننتان نەکربایە ، گەر بهاتباو رێگاتان بەوە نەدابا گەندەڵی بگاتە لوتکە ، گەر بهاتباو رێگاتان لەوە بگرتبا کەرتەکانی خوێندن و تەندروستی و ئاوو کارەباو زۆرێک لەکەرتەکانی تری ژیان بکرێنە کەرتی ئەهلی ، گەر بهاتباو باری سەرشانی هاوڵاتیانتان بەباجی جۆراو جۆر قورس نەکردبا ، گەر رێگا نەدرابا دەربارەکانی حیزب بەرێگای نا مەشروع دەوڵەمەند ببن ، گەر بهاتباو رێگاتان لەچەقۆ کێش و مافیاو سەرانە وەرگرەکان بگرتباو نەتانهێشتبا سەدان خولە چەغماغەی بێقیمەت دروست ببێت و چاو لەخەڵکی هەژارو بێ دەسەڵات سور بکەنەوە ، سەرانە لەبازرگانان وەربگرن ، گەر بهاتباو ئاوڕی جدیتان لەکەس و کاری شەهیدان و کەم ئەندامان و زیندانیانی سیاسی و هاوڵاتیانی ئاسایی بدایەتەوە ، گەر رێگاتان لەو فس فس پاڵەوانانە بگرتبا بەناوی خەباتی ڕابردوەوە بچنە ئاسمان و بەناحەق لەسەر حسابی ئەم گەلە ستەم دیدەیە دەوڵەمەند ببن و خەڵکی ئاسایش خەمی نان و کرێی خانووی بێت و پارەی هاتووچۆی پێنەبێت ..ئێستا لەبارو دۆخێکی جیاوازدا دەبووین .بەڵام بەداخەوە وا وردە وردە خەون و ئاواتەکانی ئەم گەلە بەرەو لەباربردن دەبەن .وا وردە وردە بەناوی مەحکەمەی فیراڵیەوە هەر ڕۆژەی لەلایەکەوە سوکایەتی بەکورد دەکرێت ، فیدڕاڵی بەرەو مەترسی دەڕوات ، دەسەڵاتەکانی هەرێم وردە وردە لەقاڵب دەدرێت ، لەناوچە دابڕێنراوەکان چیان دەوێت دەیکەن ، بەهۆی پەرتەوازە بوون و دوبەرەکی حیزبایەتیەوە تەنانەت لەکەرکوک کورد نەیتوانی بەلیستێک دابەزێت ، ناتوانین پارێزگارێکی کورد دابنێین ، لەسەرجەم ناوچە دابڕێنراوەکان کورد بەهەزاران دەنگی لەدەست داوە .ئێستاش ئەو هەموو کارەساتانەی بەسەرمان هاتوەو دێت ، حیزبەکانی دەسەڵات لێی بەرپرسیارن ، دوای ئەم هەموو بارودۆخە نەخوازراوە دەبێت پرسیار بکەین چی تر ماوە لەدەستی بدەین ؟ .لەئایندەیەکی نزیکدا هەموو ئەوانەش ڕون دەبێتەوە …لەکۆتایشدا پرسیارەکە ئەوەیە چۆن وەڵامی هاوڵاتیان ، شەهیدان ، کەس و کاری شەهیدان ، هەموو ئەوانە دەدەنەوە کەلەهیچ قۆناغێکی خەبات دا لەهیچ شتێک درێغیان نەکردووە ، بەسەرو ماڵ قوربانیان داوە بێ گوێدانە هیچ دەستکەوت و شتێکی کەسی … ؟گەر جاران دەوترا کوردلەنەزانین هەڵە مێژووییەکانی دوبارەو سێ بارە دەکاتەوە ، ئێستا بۆمان ساغ بۆتەوە کە ئەو کارو کردەوانەی ئێوە بەو میللەتەی دەکەن لەنەزانینەوە نیە ، بەڵکو بەدەستی ئەنقەست و بۆ دەستکەوتی کەسی و حیزبی و دڵرازیکردنی دوژمنانی گەلەکەمان ئەنجامی دەدەن و ئەم تراژیدیایە بەسەر ئەم گەلەدا دەهێنن ..هەر بۆیە واپێویست دەکات لەبەردەمی گەل و ویژدانی نیشتیمانیدا و لەبەر خوێن و قوربانیدانی لەبن نەهاتووی ئەم حەڵکە دادگایی بکرێن .

بختیار مستەفا

لەیادی راپەڕین دا دەستکەوتەکان بەرەو کوێ ؟

ئەگەر دیقەتی بارودۆخی ناوچەکە بدەین ( رۆژهەڵاتی ناوەراست ) کەم کات هەبووە وەک ئێستا لەکوڵان و ململانێدا بووبێت .. ململانێی ئێران ئەمەریکا ، نەخشە رێگای ئاوریشمی ، جەنگی حەماس - ئیسرائیل ، هاوپەیمانێتی شیعەکان ، هاوپەیمانێتی ئیخوانەکان ، هاوپەیمانێتی سعودیە - ئیمارات و هاو ئاوازەکانیان ململانێ ی جۆراوجۆریان خوڵقاندووە ... ئەوەش دیارە هەردوو دەوڵەتی تورکیا و ئێران بەقەیرانێکی قوڵ و خراپی ئابوری و سیاسی و کۆمەڵاتیدا تێدەپەڕن ، بارگرانی ئابوری بڕستی لەهاووڵاتیانیان دروست کردوە ... لەگەڵ هەموو ئەمانەدا ئەم دوو دەوڵەتەو عێراق بەردەوام خەریکی پیلانگێڕین لەدژی کورد و هاوکات دەیانەوێت قەیرانە ناوخۆیێەکانیان هەناردەی دەرەوە بکەن بۆ ئەوەی جارێکی تر ئاگر ناوماڵەکانیان نەگرێتەوە و بەم کارەیان بتوانن دەرچەیەک بۆ قەیرانەکانیان و دەربازبوونی خۆیان لەروخانی حەتمی رزگار بکەن .&nbsp;لەکاتێکدا بەهای لیرەی تورکی و تمەنی ئێرانی بەجۆرێکە کە پێشتر ئەو دوو دەوڵەتە شتی وایان بەخۆیانەوە نەبینیوە ، بەڵام لەماوەی رابردوودا ئەم دوو دەوڵەتە رککەوتنێکی 10 خاڵیان ئیمزا کرد کەبێگومان هیچ نەبێت نۆ دانەیان لەدژی گەلی کوردوو دەستەکەوتەکانی گەلی کوردە ، بێجگە لەوەی هەریەکەو بەجۆرێک پیلانەکانی خۆی پیادە دەکات ، تورکیا بەردەوام هێرش دەکاتە سەر رۆژئاوای کوردستان و باشوری کوردستان بەپاساوی جیاجیا و دور نیە کێشەی ناوچەکەو شەری حەماس ئیستیغال نەکات بۆ پەلاماردانی زیاترو چوونە ناو خاکی سوریاو ڕۆژئاوای کوردستانەوە ... دەشبینین لەباشور چون تەراتێنێتی ، بەدرۆن و هێرش و پەلاماری فرۆکەو سوپاوە بێجگە لەتیرۆر کردن و تەسفیە کردنی خەڵکانی سفیل هەموو ئەمانەش بەناوی دین و موسڵمانێتی و ئیخوانەوە ئەنجام دەدرێت بەبەرچاوی موسڵمانانی جیهانەوە . هەرچی ئێرانە بەهەمان شێوە لەعێراق و سوریاو بەحرێن و لوبنان و یەمەن سەریەشەی بۆ هێزەکانی هاوپەیمانان و ئەمەریکیەکان دروست کردووە .. لەدەریای سور ، لەهەولێر و کوردستان ، لەڕۆژئاوای عێراق ، لەناو ئەردەن هێرش و پەلامار دەدەن .. وێڕای ئەوە بەناوی دژایەتی ئیسرائیل و ئەمەریکا هێرش دەکاتە سەر هەولێرو دەوربەری ، بێگومان لەرێگای موشەکبارانی راستەوخۆی خۆیان بوبێت یان لەرێگای مێلشیاکانی سەر بەحەشدی شەعبیەوە بوبێت و بەدرۆنی ئێرانی ئەو کارو کردەوانە ئەنجام دراون. بێجگە لەوانەش ئێران بەردەوام خەریکی هەڕەشەو گوڕەشە بووە لە هێزە ئۆپزسیۆنەکانی ئێران و بەتایبەتیش هێزەکانی رۆژهەڵاتی کوردستان ، چەندین جار مووشەکبارانی ناوچەکانی ئەوانی کردووە ، بەدرۆن لێداون و هاوکات ئەمانیش وەکو تورکەکان لەتیرۆر نەوەستاون ، بەتایبەتیش لەدوای روداوەکانی کوشتنی ژینا ئەمینی لەلایەن پۆلیسی ئێرانەوەو لێکەوتەکانی دوای ئەو کردەوەیە .&nbsp;بێجگە لەوانەش ئێران بەردەوام خەریکی هەڕەشەو گوڕەشە بووە لە هێزە ئۆپزسیۆنەکانی ئێران و بەتایبەتیش هێزەکانی رۆژهەڵاتی کوردستان ، چەندین جار مووشەکبارانی ناوچەکانی ئەوانی کردووە ، بەدرۆن لێداون و هاوکات ئەمانیش وەکو تورکەکان لەتیرۆر نەوەستاون ، بەتایبەتیش لەدوای روداوەکانی کوشتنی ژینا ئەمینی لەلایەن پۆلیسی ئێرانەوەو لێکەوتەکانی دوای ئەو کردەوەیە . دیسان دیارە ئیرانیەکانیش و هاوپەیمانەکانیان هەر بەناوی ئاین و لەژێر پەردەی مەزهەبدا ئەم کارانەیان ئەنجام دەدەن .&nbsp;هاکات ئەمان و هاوپەیمانەکانیان لەعێراق و هەر ناوچەیەکی دیکە بێت کار دەکەن بۆ لێدانی بەرژەوەندیەکانی گەلی کوردستان ، هەردوو دەوڵەتیش نایشارنەوەو دەڵێن یان دەبێت لەبەرەی دوژمن حساب ئەکرێیت ، ئەگەر دیقەت بدەین لەماوەی رابردوودا ڕەجەب تەیب ئەردۆغان دەڵێت نەک ئەوانەی لەدژمانن ، بەڵکو ئەوانەش کەباسی ئاشتی بکەن لەبازنەی دوژمندا حسابیان دەکەین . ئێرانیش بەهەمان شێواز دەڵێت یان لەبەرەی منیت یان دوژمنیت ، هەر ئەمڕۆ عێراق لەژێر فشاری ئێرانیەکان پاسپۆرتیان لەیەکێک لەسەرکردەکانی کورد سەندەوەو پیلانیش هەیە ئەم کارە لەگەڵ 70 کەسایەتی سیاسی ئێران و رۆژهەڵات ئەنجام بدەن ، هاوکات فشاری ئێرانیەکان و هاوپەیمانە شیعەکانیان هەیە لەسەر دادگای فیدراڵی و چەندین بڕیاریان دەرکردووە کەمەبەست لێی لێدانە لەقەوارەی هەرێم و بچوککردنەوەو لەقاڵب دانی دەسەڵاتەکانی هەرێم ... بێگومان مەترسی بڕیاری زیاتریش لەئارادایە .&nbsp;دەشبینین ئەم کاروکردەوانەی ئەمانە دەیکەن هەریەکەو لەلایەکەوە چاوپۆشی دەکەن ، ئەمەریکیەکان و هاوپەیمانان و نەتەوە یەکگرووەکان بەجۆرێک لەجۆرەکان بێدەنگیان هەڵبژاردووە ، یەک ووڵاتی ئیسلامی و کەسایەتی ئیسلامی و تەنانەت هێزە ئیسلامیەکانی کوردستانیش لەبەرانبەر زۆرینەی ئەو کارو کردەوانە بێدەنگن .. لەهەمووشی مەترسیدار تر ئەوەیە نەحکومەتی هەرێمی کوردستان و نەهێزە سیاسیەکانی کوردستانیش لەبەرانبەر ئەم مەترسیانە ستراتیژی هاوبەش و ئەجێندایەکی نیشتیمانیان هەیە ، نەهێڵی سورویان هەیە نەمەترسیەکانیان بەجدی گرتووە .&nbsp;هەریەکەو بەرژەوەندیەکانی خۆیان و مانەوەی خۆیان بەیەکێک لەم وڵاتانەوە گرێ داوە ،هاوکات لەناوخۆی کوردستانیش بەهۆی سیاسەتی چەوت و خۆپەرستی و حیزب حیزبێنەوە بەرژەوەندیە باڵاکانی گەلی کوردستان و خاکەکەیان خستۆتە بەر مەترسی ، هاوڵاتیانیان توڕەو بێزار کردووە ، ئینتیمای نیشتیمانیان لای خەڵک لاواز کردووە ، گوێ بۆ دۆست و دوژمن ناگرن ، کەس نازانێت ئایندەی کوردستان بەرەو کوێ دەبەن و ئایندە چی لێدێت&nbsp;ئێستاش لەم کاتەدا و کەهەمووان و بەدەستکەوتەکانەوە لەبەردەم هەڕەشەی زۆر گەورەو مەترسیداین ، پێویست دەکات لەسەر هەمووان کەبەخۆیاندا بچنەوە ، داوای لێبوردن لەگەل بکەن ،هێڵی سورو نیشتیمانیانە دیاری بکەن ، هاوهەڵوێست بن ، هیچ کامیان رێگا نەدات ببێتە داردەستی دوژمنان ( هەموو هێزەکان بەهەر چوار پارچەوە ) بۆ ئەوەی فریا بکەوین و هیچ نەبێت ئەوەی هەتا ئێستا ماومانە لەدەستی نەدەین ، ئەگەر بەزوترین کات ئەم کارە نەکەین ئەوا لەئایندەیەکی نزیکدا شتی زیاتری بەدوادا دێت و بەدەستی بەتاڵ لێی دێینەدەرەوەو بەگەلەکۆمەکێی موسڵمانان دەمانگێڕنەوە بۆ خاڵی سفر .&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

بابەتەکانی بەختیار مستەفا

مەلا بەختیارو پۆستی سەرکۆمار

ئۆجالان لە قەندیلە

داخوازیەکانی مانگرتوان لەنێوان ڕەوایەتی و تۆمەت بەخشینەوەدا

لەیادی راپەڕین دا دەستکەوتەکان بەرەو کوێ ؟

ووڵاتانی موسڵمان و گەلەکۆمەکێ لەکورد