سیاسەتی هەڵە لەدوای هەڵەی هەرێمی کوردستان و بیرکردنەوەی شۆڤێنیانەی دەسەڵاتدارانی عیراق، هۆکاری بێهیوایی خەڵکی کوردستانن، ئێمە کە شۆڕشمان کرد هەموو هیوایەکمان بە رزگاری و ئازادی بوو، کە بەهۆی راپەڕینەوە بەشێکی خەونەکانمان بەدیهات و بوونە حەقیقەت، هەر لە ساڵەکانی یەکەمەوە براکان شەڕی ناوخۆیان هەڵگیرساند، دەستیان چووە خوێنی یەکتر، دۆستەکانمان ئەو چاوەڕوانییانەی لە ئێمەیان هەبوو، ئاستی کەمی کرد، ئیتر وردە وردە ئازارەکان زیادیان کرد و برینەکان کولانەوە، بووینە مایەی گاڵتەجاڕی دوژمنەکانمان.&nbsp;سیاسەتی هەڵە دەرەنجامی هەڵە دەدات بەدەستەوە، دوای ٣٣ ساڵی لە حوکمی خۆماڵی، هێشتا خاوەن دامەزراوەی دەوڵەتی نین، گەندەڵیی بەشی زۆری ژیانی حوکمداریمانی داگیرکردووە، بێکاری زۆر بووە، مووچە نییە، خەونی گەورەمان دروستکردنی دەوڵەتی گەورەی کوردستانی بوو، کەچی بەهۆی گرتنەبەری سایسەتی هەڵەوە وا گەڕاوینەتەوە خاڵی سفر.&nbsp;مووچە کە سادەترین مافی هاوڵاتییانە وا بووەتە گرێ کوێرەی نێوان هەرێم و بەغدا، دوای ریفراندۆم زۆر پاشەکشەمان کرد، کەچی وا بڕیارەکانی دادگای فیدراڵی بەهۆی پرسی مووچەوە خەریکە هەرێمی کوردستان کۆتایی پی دەهێنێت، ئەگەر سیاسەتێکی ژیرانە نەگیرێتەبەر دوور نییە بڕیار لەدوای بڕیار بەرانبەر کوردستان دەربکەن، ئیتر خەونی گەورەی کوردستانیان لەبار ببرێت و دوژمنان زیاتر پێمان پێ بکەنن.&nbsp;ئێمە کە خەونی دروستکردنی دەوڵەتی سەربەخۆی کوردستانمان هەبوو، وا ئێستا کەوتووینەتە بەردەم ئەوەی هەژماری بانکی رافیدەینمان هەبێت یان "هەژماری من"ی یەکێک لە بانکەکانی هەرێمی کوردستان، ئەو گەڕانەوە و بچووکبوونەوەی خەونە لەگەڵ ئەوەی جێبەجێکردنی سیاسەتی راستەقینەی شۆڤێنیانەی عەرەبە بەرانبەر بە کورد، هاوکات دەرەنجامی سیاسەتی حوکمڕنانەی هەرێمی کوردستانیشە کە هیوایەکیان بۆ خەڵک نەهێشتووەتەوە.راستکردنەوەی هەڵەکان ستراتیژی نیشتمانی و چاکسازیی ورد و تەبایی نێوان هێزەکانی کوردستانی دەوێت، دوورگری و تۆمەت بەخشینەوەی نێوان هێزەکانی هەرێمی کوردستان نابێتە دەرفەتی چارەسەر، با لەم بارودۆخەدا بەرژەوەندیی کوردستان بخرێتە سەرووی هەموو بەرژەوەندییەکانەوە، بۆ ئەوەی خەونی گەورەی نەتەوە نەبێتە قوربانی ملهوڕی و سیاسەتی حزبیانە و سەد ساڵ نەگەڕێینە دواوە.

سۆزان حەمە تاتە

هەژماری من و دەوڵەتی کوردی

<h3> </h3>کێشەی پێکهاتەکان کەوا ناکۆکییەکانی نێوان یەکێتی و پارتی قووڵترکردەوە، دەکرا نەگاتە ئەوەی دادگای باڵای فیدراڵی بیکاتە دەرفەت و لە دژی هەرێمی کوردستان بەکاریبهێنێتەوە، بەپێچەوانەوە ئەو کێشەیە دەکرا لە گفتوگۆ و رێککەوتنی نێوان پارتی- یەکێتی و نوێنەری پێکهاتەکاندا بڕیاری لەبارەوە وەربگیرایە.&nbsp;لێرەدا سێ لایەنی هەیە: یەکەم:&nbsp;جەوهەری کێشەکە، بەشێک لە نوێنەر و حزب و رێکخراوی پێکهاتەکان خۆیان بوون، کە بێ لایەنانە سیاسەتیان نەکرد و نەشیان توانی ببنە نوێنەری راستەقینەی پێکهاتەکەی خۆیان. دووەم:&nbsp;پارتی دیموکراتی کوردستان خراپ مامەڵەی لەگەڵ واقیعی پێکهاتەکان کرد، راست و چەپ بۆ سوودی خۆی بەکاریهێنان، ئەوەش ئەو خاڵە سەرەکییە بوو کە زۆرینەی هێزەکانی لە دژی بوونی ئەو 11 کورسییە بەکارهێنا و سەرەنجام سفر بەدەست لێی چوونە دەرەوە. سێیەم:&nbsp;سکاڵاکەی یەکێتی بۆ کەمکردنەوەی کورسییەکان نەبوو، بەڵکو بۆ دوو مەبەست بوو، یەکەمیان ئەو ١١ کورسییە بەسەر ناوچە جیاجیاکانی کوردستاندا دابەشبکرێت، دووەمیشیان لەو رێگەیەوە پێکهاتەکان لە بندەستی پارتی بهێنرێتە دەرەوە، بەڵام بەهۆی پەرتەوازەیی و رێکنەکەوتنی یەکێتی و پارتییەوە، دادگای فیدراڵی سوودی لەو ناکۆکییە وەرگرت‌و 11 کورسی پێکهاتەکانی بەیەکجاری لابرد. بڕیارەکە لەڕووی سیاسییەوە بۆ ناوبانگی هەرێمی کوردستان باش نییە، چونکە یەکێک لە هەرە لایەنە بەهێزەکانی هەرێمی کوردستان ئەو تایبەتمەندییانە بوو بە پێکهاتەکان درابوو، لەگەڵ ئەوەشدا هۆکاری سەرەکی نەمانی کورسییەکانیان خۆیان بوون، بەو پێیەی نەیانتوانی نوێنەرایەتی راستەقینەی خۆیان بکەن و بوونە دەمڕاستی خەڵکی دیکە، ئەوەش لە جێبەجێکردنی ئەرکی خۆیان و نوێنەرایەتییە راستەقینەکەیان دووری خستنەوە. بڕیارەکەی دادگای باڵای فیدراڵی تانەی لێ نادرێ، ئەوە بووە ئەمری واقیع و پێویستە هەموو هێزەکانی هەرێمی کوردستان پێوەی پابەندبن، بەڵام دەکرێت بەشێوازی دیکە، بەتایبەت لە بەشداریی حکومەت لەسەر ئاستی وەزارەت و فەرمانگەکان و هەر دامەزراوەیەکی دیکە قەرەبوویان بۆ بکرێتەوە، هەروەها رێگەی دیکە ئەوەیە هێزەکانی هەرێمی کوردستان زەمینەسازی بکەن بۆ ئەوەی پێکهاتەکان لە رێگەی لیستی سەربەخۆی خۆیانەوە یان هاوپەیمانێتیکردن لەگەڵیان نوێنەری خۆیان بگەیەننە پەرلەمانی کوردستان لە هەڵبژاردنی داهاتوو.دەکرێ پێکهاتەکان لەسەر ئاستی سیاسەتکردن، بەشداریی سیاسی و هەڵبژاردنەکان، دروستکردنی هاوپەیمانێتی و چۆنێتی خزمەتکردن بە پێکهایەکانیان لەمەودوا جیاوازتر سیاسەت بکەن و نەبنە پاشکۆی سیاسی هیچ پارت و دەوڵەت و هێزێکی سیاسی.

بابەتەکانی سۆزان حەمە تاتە

هەژماری من و دەوڵەتی کوردی

پێکهاتەکان و فۆرمێکی نوێی بەشداریکردنی سیاسی