بۆ ئەوەی لە چۆنییەتی مامەڵەی حکومەتی عێڕاق لەگەڵ هەرێمی کوردستان تێبگەین و کڕۆکی کێشەکە بزانین دەبێت بگەڕێینەوە بۆ سەردەمی پێکهێنانی حکمومەتی عێڕاق دوای پڕۆسەی ئازادی.ئەندامێکی مەجلیسی حوکم کە ئەوکات بەژداری تەواوی گفتوگۆکان بووە و لە وردەکاری ڕێککەوتنەکانی پێکهێنانی یەکەم حکومەتی عێڕاق دوای پڕۆسەی ئازادی بەژداربووە، ئاوا باسی پشکی هەرێمی کوردستان دەکات پەیوەست بە ڕێژەی فەرمانبەرانی هەرێم.&nbsp;ئەو بەرپرسە سیاسییە کە ئیستا لە دەرەوەی وڵات دەژیت و لە دەسەڵات نەماوە پێی گوتم، حکومەتی عێڕاق بە پێی ڕێژەی دانیشتوان مووچەی فەرمانبەرانی مەدەنی و سەربازی دەداتە هەرێمی کوردستان و ئەوەش بە پێی ڕێککەوتنی ئەنجوومەنی ئەوکاتی بەڕێوبردنی دەوڵەت بووە.&nbsp;ئەوکات لە گفتوگۆکاندا ڕێژەی ٦٠٠ هەزار فەرمانبەر بە مەدەنی و سەربازییەوە بۆ هەرێمی کوردستان لە گفتوگۆکان دیاریکراوە، ئەندامانی کوردیش لە ئەنجوومەنی حوکم کە کەسانی یەکەمی حیزبەکان بوون، ئەو ژمارەیان لا پەسەند بووە.&nbsp;بەڵام ئەوەی کە حکومەتی هەرێمی کوردستان دوای ئەوە کردی، بریتیبوو لە دامەزراندنی دوو هێندەو نیو لەو ڕێژەیەی بۆی دیاریکرابوو، لە بەرامبەردا حکومەتی هەرێمی کوردستان زیاتر لە ملیۆنێک و ٢٥٠ هەزار فەرمانبەری بۆ دەوڵەت دامەزراندووە، کە ئێستا بووە بە بارگرانییەکی زۆر بەسەر حکومەتەوە و ناتوانێت مووچەکانیان بۆ دابین بکات.&nbsp;لە لایەکی دیکەوە،حکومەتی هەرێمی کوردستان بە پێی ئەو ڕێژەیەی بۆی دیاریکراوە پابەندێتی یاسایی هەیە و دەبێت داهاتی نەوتی و نانەوتی ڕادەستی حکومەتی ناوەندی بکات

بابەتەکانی کارۆخ سەید رزگار

لە حکومەتی عێڕاق بۆچی ئامادە نییە مووچە و بوودجەی فەرمانبەرانی هەرێمی کوردستان بنێرێت؟