تەبایی ئێکە ژ بنەمایێن گرنگ و کاریگەر بۆ پێشکەفتنا کۆمەڵگەهێ و ئەگەرێ سەرەکی یێ پاراستن و بدەستڤەئینانا زێدەترا مافێن ڕەوایێن گەلێ کوردستانێ یەو دەرمانێ تەڤاھییا نەخۆشیانە، دەمێ هاتی ئێك هەلویست و ئێکڕێزو ئێک دەنگبین و چ درزو کەرب و کینا دناڤبەرا خۆدا نەهێلین و سەنگەران ل ئێک دوو نەگرین، پەیوەندییان بهێزتر بکەین و زێدەتر لێک نزیک ببین داکو بسەر ئاستەنگ و کێشاندا زاڵ ببین ، بگەهینە ئارمانجێن خۆ و سەربکەڤین. ئەگەر ئێك هەلویست و تەبا نەبین، دێ زیان بمە ھەمیان کەڤیت و نەشێین وەك پێدڤی بگەهینە ئارمانجێن خۆ. دەم نەیێ گۆنجاییە، گوتن و شەرە چەقۆیان ئاراستەی ئێك دوو بکەین و سەنگەران ل ئێک دوو بگرین و دلێ داگیرکەران بخۆ خۆشبکەین. پێدڤییە دڤی بارودۆخێ نوی دا گەلێ تێکۆشەرێ کوردستانێ یێ لسەر خۆ بیت، لایەنێن سیاسی بەرامبەر ڤی بارودۆخ و قۆناغێ بەرپرسیاریەتییا دیروکی دکەڤیتە سەر ستۆیێ وان و پێدڤیە د ئێک دەنگبن دا زێدەتر دەستکەفتان بدەستڤەبینن. نابیت دڤی بارودۆخێ هەستیار برەڤین و سەنگەران چوول بکەین …هتد. سەرکەفتنا گەلێ کوردستانێ، سەرکەفتنا هەمی هێزو لایەنانە. ئەڤ سەرکەفتنە ب ئێکڕیزیێ و وەکھەڤیێ و رازیبوون ل ئێك دوو دێ بدەستڤەهێت. سەرکەفتن یا گرێدایە ب پشت گرێدان ب گەل و هێزا شەقامی، ژبەر هندێ پێدڤییە پشت ب گەلی یا گەرم بیت داکو مزگینیا سەرکەفتنێ ڕابگەهینین. هەروەکی هوزانڤانێ مەزنێ کوردا (جگەرخوین) گوتی: ئەگەر ئەم نەبین ئێک ئەمێ بچین ئێک ب ئێک

بابەتەکانی ولید موحەممەد

بۆچی تەباو ئێکدەنگبین؟