وەزارەتی سامانە سروشتییەکانی هەرێمی کوردستان، بە مەبەستی ڕێکخستنی نرخی بەنزین لە جۆرەکانی (نۆرماڵ، موحەسەن و سوپەر)، چەند بڕیارێکی نوێی دەرکرد و نرخی سەرجەم جۆرەکانی دیاری کرد.
ئەمڕۆ چوارشەممە 22ی تەمموزی 2026، وەزارەتی وەزارەتی سامانە سروشتییەکان لە ڕاگەیەنراوێکدا نرخی هەرسێ جۆرەکەی بەنزینی لە هەرێمی کوردستان دیاریکرد.
بەپێی ڕاگەیەنراوەکە بڕیارەکان بەم شێوەیە:
یەکەم: بەنزینی کوالێتی نۆرماڵ
نرخی فرۆشتنی ئەو بەنزینە نۆرماڵەی لەلایەن وەزارەتی سامانە سروشتییەکانەوە دابین دەکرێت، لە بەنزینخانەکان یەک لیتری بە ٧٥٠ دینار دەبێت.
نرخی فرۆشتنی بەنزینی بازرگانی بە کوالێتی نۆرماڵ، لە بەنزینخانەکان نابێت لە ٨٥٠ دینار زیاتر بێت.
دووەم: بەنزینی کوالێتی موحەسەن
لە بەنزینخانەکاندا نابێت نرخی یەک لیتر بەنزینی موحەسەن لە ١٠٠٠ دینار زیاتر بێت.
سێیەم: بەنزینی کوالێتی سوپەر
لە بەنزینخانەکاندا نابێت نرخی یەک لیتر بەنزینی سوپەر لە ١٢٠٠ دینار زیاتر بێت.
چوارەم: مەرجی کوالێتی
پێویستە کوالێتی هەر سێ جۆری بەنزینی (نۆرماڵ، موحەسەن و سوپەر)، بەتەواوی بەپێی ڕێنماییەکان و ستانداردەکانی وەزارەتی سامانە سروشتییەکان بێت.