نرخی زێڕ لە مامەڵەکانی ڕۆژی دووشەممەدا رووی لە دابەزین کرد، ئەوەش بەهۆی پەرەسەندنی گرژییەکان لە ڕۆژهەڵاتی ناوەڕاست کە نرخی نەوتی خاوی برێنتی بۆ سەروو 90 دۆلار بۆ هەر بەرمیلێک بەرزکردەوە. ئەمەش نیگەرانییەکان سەبارەت بە هەڵاوسان زیاتر کرد، بەتایبەت دوای ئەوەی چەندین بەرپرسی بانکی ناوەندیی ئەمریکا (فیدراڵی رزێرڤ) ئاماژەیان بە ئەگەری بەرزکردنەوەی سوودی بانکی دا بە مەبەستی کۆنتڕۆڵکردنی بەرزبوونەوەی نرخەکان.
بەپێی دواین مامەڵەکان، نرخی زێڕ بە ڕێژەی زیاتر لە 0.1% دابەزی و گەیشتە 4,012.8 دۆلار بۆ هەر ئۆنسەیەک.
نرخی ئێستای زێڕ لە هەرێمی کوردستان:
زێڕی عەیار 18 = 740,910 دینار
زێڕی عەیار 21 = 864,420 دینار
زێڕی عەیار 24 =
987,854 دینار
هاوکات زیو بە ڕێژەی 1.9% بەرز بووەوە و گەیشتە 56.74 دۆلار بۆ هەر ئۆنسەیەک.
شایەنی باسە، بەرزبوونەوەی نرخی نەوت دەکرێت ببێتە هۆی زیاتر پەرەسەندنی نیگەرانییەکان لەسەر هەڵاوسان و پێشبینییەکانی بەردەوامبوونی بەرزیی ڕێژەی سوودی بانکی بۆ ماوەیەکی درێژتر. هەرچەندە زێڕ بە شێوازێکی گشتی وەک قەڵغانێکی مێژوویی دژی هەڵاوسان سەیر دەکرێت، بەڵام بەرزیی ڕێژەی سوود تێچووی دەرفەتی هەڵگرتنی ئەم سامانە زیاد دەکات کە هیچ قازانجێکی ڕێژەیی ناگێڕێتەوە.