وەزارەتا دەرڤە یا سووریا هێرشێن ئیرانێ ل سەر هەرێما کوردستانێ شەرمزار کرن و راگەهاند، ئەو هێرش گەفێن راستەراستن ل سەر ئاساییش و ئارامییێ.
د هەشت رۆژێن بۆرى دا ئەمریکا ب دژوارى ل ئیرانێ دا و ئیرانێ ژى بنگەهـ و بارەگەهێن وێ ل وەلاتێن ناوچێ کرنە ئارمانج و تا نوکە ب رێکا چەندین مووشەک و درۆنان هێرش ل سەر هەرێما کوردستانێ هاتینەکرن و شەهید و بریندار ژى هەنە.
وەزارەتا دەرڤە یا سووریا د راگەهاندنەکێ دا هێرشێن ئیرانێ بۆ سەر هەرێما کوردستانێ و وەلاتێن ناوچێ شەرمزار کرن و دیارکر، ئەو بزاڤەکا ئاشکرانە بۆ بنپێکارییێن سەروەرییا وەلاتان و دروستکرنا گەفێن راستەوخۆنە ل سەر ئاساییش و ئارامییێ.
ئەڤرۆ سپێدێ ژى هێڕشێن دژوار ل سەر هەولێرێ هاتنە کرن و سیستەمێ بەرگرییێ یێ هێزێن هەڤپەیمانان ئەو هێرش ژ ناڤبرن.
هەر د راگەهاندنا خۆ دا وەزارەتا دەرڤە یا سووریا هێرشێن درۆنى ل سەر کوێت، عومان، بەحرێن، ئوردن و هەرێما کوردستانێ ژى شەرمزار کرن.