ئەمڕۆ شەممە (23ی ئایاری 2026)، لە پرۆسەیەکی دیموکراسی و دوای کۆتاییهاتنی جیاکردنەوەی دەنگەکانی هەڵبژاردنی مەکتەبی تەنفیزی، سەرۆکی نوێی یەکێتیی تۆپی پێی عێراق دەستنیشانکرا.
سەرچاوەیەکی ئاگادار بە میدیاکانی ڕاگەیاند، کابتن یونس مەحموود توانی زۆرینەی دەنگی ئەندامانی دەستەی گشتی بەدەستبهێنێت و بە فەرمی ببێتە سەرۆکی نوێی یەکێتییەکە بۆ قۆناغی داهاتوو.
پرۆسەی دەنگدانەکە بە ئامادەبوونی ئەندامانی دەستەی گشتی و لەژێر چاودێری لیژنەی تایبەتمەند بەڕێوەچوو، ئەنجامەکان بەم شێوازەی خوارەوە بوون:
کابتن یونس مەحموود: 38 دەنگ
کابتن عەدنان دەرجال: 20 دەنگ
ئەیاد بنیان: 1 دەنگ
دەنگی پووچەڵکراو: 2 دەنگ
ئەم هەڵبژاردنە بە یەکێک لە وێستگە گرنگەکانی وەرزشی عێراق دادەنرێت، کە تێیدا ئیدارەیەکی نوێ ڕابەرایەتی کاروانی تۆپی پێی وڵاتەکە دەکات بۆ بەدیهێنانی سەرکەوتنی زیاتر لە ئاستی ناوخۆیی و نێودەوڵەتیدا.