پارەدان لەفەرمانگەکان دەبێت بە ئەلکترۆنی

عێراق بڕیاری داوە تا ناوەڕاستی ئەمساڵ سەرجەم وەزارەتەکانی حکومەت لە مامەڵەی نەختینەییەوە بۆ سیستەمی ئەلیکترۆنی بگوازێتەوە، ئەم هەنگاوەش وەک بەشێک لە ستراتیژی بانکی ناوەندی بۆ ساڵانی 2025-2029 دێت کە ئامانجی فراوانکردنی گشتگیری دارایی و کەمکردنەوەی پشتبەستنە بە پارەی کاش، ئەمەش دەبێتە هۆی سنووردارکردنی گەندەڵی و گەڕاندنەوەی ئەو %60 ی مامەڵە داراییانەی کە لە دەرەوەی بانکەکان (بازاڕی ڕەش) ئەنجام دەدرێن بۆ ناو سیستەمی فەرمی، جگە لەوەی ئەم گۆڕانکارییە دیجیتاڵییە دەبێتە هۆی بەرزکردنەوەی شەفافیەت و ئاسانکاری بۆ پێدانی قەرز بە پڕۆژە بچووکەکان و کەمکردنەوەی فشار لەسەر دۆلار و ڕاکێشانی وەبەرهێنەرانی بیانی کە ناتوانن لە ئابوورییەکی پشتبەستوو بە نەختینە کار بکەن، لە کۆتاییشدا ئەم پڕۆژەیە یارمەتیدەر دەبێت لە دابەشکردنی دادپەروەرانەی مووچە و خزمەتگوزارییەکان و بەرزکردنەوەی ئاستی متمانەی نێوان هاووڵاتیان و بانکەکان.