فەرماندەی گشتی هیزەکانی سووریای دیموکرات ڕایگەیاند هەوڵەکانیان لەگەڵ دیمەشقدا بەردەوامن بۆ جێبەجێکردنی ڕێککەوتنەکەی نێوانیان و دانیش دەنێت بەوەی لە ڕابردوودا هەڵەیان کردووە و دەرەنجامەکەشیان بینی.
ئەمڕۆ سێشەممە، مەزڵوم عەبدی، فەرماندەی گشتی هیزەکانی سووریای دیموکرات لە کۆبوونەوەی ئەنجومەنی پیاوماقوڵانی حەسەکەدا وتارێکی پێشکەش کرد و ڕایگەیاند، هەموو ئەو دەوڵەتانەی پەیوەندیدارن بە کاروباری سووریاوە، بایەخ بە جێبەجێکردنی ئەو ڕێککەوتنە دەدەن کە ئامانجی ڕاگرتنی شەڕ و ڕاگەیاندنی ئاگربەستێکی هەمیشەیی.
مەزڵووم عەبدی دانی ناوە بەوەی لە ڕابردوودا هەڵەکراوە و وتی: “پێشتر هەڵەمان کردووە و دەرەنجامەکانیمان بینیوە، وانە لەو هەڵانە وەردەگرین بۆ قۆناغی داهاتوو” بێ ئەوەی هەڵەکان ڕوون بکاتەوە.