ئەمڕۆ چوارشەممە، نرخی زێڕ و زیو لە بازاڕە جیهانییەکاندا بەرزبوونەوەی بەرچاویان بەخۆوە بینی، ئەمەش دوای ئەوەی داتاکانی فرۆشی تاکەکەسی لە ئەمریکا نیشانەی خاوبوونەوەی گەشەی ئابوورییان دەرخست.
بەپێی دواین ئامارەکان ئۆنسەیەک زێڕ بە ڕێژەی 0.5%
بەرزبووەوە 5,049.59 دۆلار.
هاوکات زیوی دوای دابەزینە گەورەکەی دوێنێ، ئەمڕۆ بە ڕێژەی 2.2% بەرزبووەوە و گەیشتە 82.43 دۆلار.
هۆکاری سەرەکی بەرزبوونەوەکە چییە؟
سەرەکیترین هۆکار بۆ ئەم هەڵکشانە، بڵاوبوونەوەی داتاکانی فرۆشی تاکەکەسی بوو لە ئەمریکا بۆ مانگی کانوونی یەکەم، کە هیچ گەشەیەکی نیشان نەداوە ئەمەش ئاماژەیە بۆ ئەوەی خێزانە ئەمریکییەکان خەرجییەکانیان لەسەر کاڵا گرانبەهاکان کەمکردووەتەوە، کە دەرەنجام دەبێتە هۆی خاوبوونەوەی گشتیی ئابووری.
ئەم دۆخە وای کردووە داهاتی قەواڵە داراییەکانی ئەمریکا دابەزێت، ئەمەش تێچووی هەڵگرتنی زێڕ کەم دەکاتەوە و سەرنجی وەبەرهێنەران بۆ لای خۆی ڕادەکێشێت.
چاوەڕوانییەکان بۆ سوودی بانکی لە 2026
وەبەرهێنەران لە ئێستاوە چاویان لە بڕیارەکانی بانکی ناوەندیی ئەمریکایە (Federal Reserve). پێشبینی دەکرێت لە ساڵی 2026دا لانی کەم دوو جار ڕێژەی سوودی بانکی کەم بکرێتەوە، کە یەکەمیان لە مانگی حوزەیراندا دەبێت. بەگشتی زێڕ لەو کاتانەی ڕێژەی سوودی بانکی نزمە، نرخەکەی بەرز دەبێتەوە.