فڕۆکەیەک بە 16 سەرنشینەوە لە کۆڵۆمبیا بێ سەروشوێن بوو

فڕۆکەیەکی سەربە ھێڵی ئاسمانیی کۆڵۆمبیا بە ١٦ سەرنشینەوە لە باکووری ڕۆژھەڵاتی ئەو وڵاتە بێ سەروشوێن بوو.

میدیاکانی کۆڵۆمبیا بڵاویان کردەوە کە فڕۆکەیەکی جۆری "Beech 1900D" سەربە ھێڵی ئاسمانیی کۆڵۆمبیا لە کاتی چوونی بەرەوشاری ئۆکانیا سەربە ھەرێمی سانتاندێر لە نزیک شارۆچکەی " "لا پلایا دی بێلێن" باکووری ڕۆژھەڵاتی ئەو وڵاتە لە شاشەی دیار نەماوە و تا ئێستا بێ سەرشوێنە.

ھاوکات دەسەڵاتدارانی کۆڵۆمبیا ڕایانگەیاندووە کە ھەڵمەتەکانی گەڕان بۆ دۆزینەوەی فڕۆکە و ڕزگارکردنی سەرنشینانی ناو فڕکەکە کە ژمارەیان ١٦ کەسە، بەردەوامە.

بە گوتەی دەسەڵاتدارانی کۆڵۆمبیا، لەو ١٦ کەسە، سێیان ئەندامی تیمی نێو فڕۆکەکەن.