ڕێگای چیایی ئەزمەر دادەخرێت.
شاهۆ عوسمان جێگری پارێزگاری سلێمانی بەڕاوێژ لەگەڵ بەرێوەبەرایەتی کەشناسی و بومەلەرزەزانی سلێمانی و بەڕێوەبەرایەتی گشتی ڕێگاوبانی سلێمانی و ئالیاتی سلێمانی و پۆلیسی هاتووچۆ بڕیاریاندا ، ڕێگای چیایی ئەزمەر لەپێناو سەلامەتی گیانی شۆفێران و هاوڵاتیان ، دابخرێت تا هیچ زیانێکی گیانی و ماددی نەبێت.
بەپێی پێشبینیەکان پلەکانی گەرما زیاتر دادەبەزن و بەستن و شەختە دروست دەبێت و بەردەوامیش تیمەکان ڕێگاکان پاک دەکەنەوە .
داواش لە هاوڵاتیان دەکەن کە ڕێگاکە بەکارنەهێنن هاتووچۆ بەوڕێگایەدا نەکەن.
بەهۆی بەفربارینەوە بەشێک لە ڕێگاکان ئاستەنگی هاتووچۆی تێدا دروست بووە و تیمەکانی ڕێگا و بان و ئالیاتی سلێمانی سەرقاڵی پاک کردنەوەی ڕێگاکان و داواش دەکرێت کە ئەو ڕێگایانە کە مەترسیان لەسەرە بەکار نەهێندرێن.