چاوەڕوان دەکرا بە هاوکاری نێودەوڵەتی کێشەکانی سووریا بە گفتوگۆ چارەسەر بکرێت و پێش بە شەڕ و خوێنڕشتن بگیرێت، کەچی دەسەڵاتی کاتی سووریا، سەرەتا بەهێز پەلاماری عەلەویەکان و دروزەکانی دا، چەند ڕۆژێکیشە هێرشی سەربازی بۆ سەر ناوچەکانی ژێر دەسەڵاتی هێزەکانی سوریای دیموکرات و ڕۆژاوای کوردستان دەست پێکردووە، لەو هێرش و پەلاماردانە دژ بە گەلی کوردستان سیاسەتی پاکتاوی ڕەگەزی جێبەجێ دەکرێت و میلیشیاکانی سەر بە سوپای عەرەبی سووریا دەست لە هیچ ناپارێزن، ئەمە لە کاتێکدا بەبەر چاوی کۆمەڵگەی نێودەوڵەتی ئەنجام دەدرێت.
ئێمە لە کۆڕبەندی چەپی کوردستان لەو ڕەوشەدا بانگەواز لە گەلی کوردستان و لە هەموو ئالی و لە حزبە سیاسییەکانی کوردستان دەکەین بە یەکێتی و یەکڕیزیی بەرەنگاری شەڕی بێ ئیرادەکردن و لەنێوبردنی گەلی کوردستان ببنەوە و دەم دەمی هاوهەڵوێستی نەتەوەیی و نشتیمانی و پشتیوانییە لە ڕۆژاوای کوردستان.
هاوكات داوا لە هاوپەیمانی نێودەوڵەتی دژی داعش دەکەین سنوورێک بۆ ئەو دەستدرێژییە دابنێن و ڕۆژاوای کوردستان بە تەنیا بەجێ نەهێڵن.
سەرکەوێت ئیرادەی گەلی كوردستان.
سەرکەوێ بەرخۆدانی ڕۆژئاوای کوردستان.
کۆڕبەندی چەپی کوردستانی
20-01-2026
-پارتی سۆسیالیستی کوردستان PSK
-پارتی کۆمۆنیستی کوردستان/باکوور
-پارتی کۆمۆنیستی کوردستان /ڕۆژاوا
-پارتی یەکێتی دیموکراتی کورد لە سووریا
-کۆمەڵەی زەحمەتکێشانی کوردستان/ڕۆژهەڵات
بزووتنەوەی دیموکراتی گەلی کوردستان/باشوور
حزبی شیوعی کوردستان/باشوور
حزبی زەحمەتكێشانی كوردستان /باشوور