ئەمڕۆ دووشەممە، 19ـی کانوونی دووەمی 2026، بەهۆی نزمبوونەوەی بەرچاوی پلەکانی گەرما و ئەو شەپۆلە سەرمایەی ڕووی لە ناوچەکە کردووە، لە چەند پارێزگا و ئیدارەیەکی هەرێمی کوردستان پشووی فەرمی ڕاگەیەندرا.
بڕیاری پشووەکە بۆ ڕۆژانی سێشەممە (20ـی 1) و چوارشەممە (21ـی 1) دەبێت و ئەم شوێنانە دەگرێتەوە؛ پارێزگای هەڵەبجە، پارێزگای سلێمانی، ئیدارەی ڕاپەڕین، قەزای چەمچەماڵ، سنووری شارەزوور سەرجەم قەزا و ناحیەکانی دەگرێتەوە.
پشووەکەش سەرجەم ناوەندەکانی خوێندنی حکومی و ناحکومی لەو ناوچانە دەگرێتەوە و ئامانج لێی پاراستنی سەلامەتی خوێندکارانە لە شەپۆلی سەرما و بەستەڵەک.