ئەمڕۆ چوارشەممە، ئەنجوومەنی وەزیرانی هەرێمی کوردستان بە سەرۆکایەتی مەسرور بارزانی، یەکەم کۆبوونەوەی ئاسایی خۆی لە ساڵی نوێدا ئەنجام دەدات. تەوەرە سەرەکییەکانی کۆبوونەوەکە تەرخانکراون بۆ پرسی مووچەی مانگەکانی (11 و 12)ی ساڵی ڕابردوو و جێگیرکردنی شایستە داراییەکانی هەرێم لە بودجەی 2026ی عێراق.
لە تەوەرێکی دیکەی کۆبوونەوەکەدا، بەدواداچوون بۆ دۆسیەی نەوت دەکرێت، بەتایبەت هەڵسەنگاندن بۆ ئەنجامەکانی "ڕێککەوتنی سێ قۆڵی" بۆ هەناردەکردنەوەی نەوتی هەرێم لە سێ مانگی کۆتایی ساڵی 2026 و خستنەڕووی داتاكانی تایبەت بە بڕی هەناردە و داهاتە گەڕاوەکان بۆ گەنجینەی فیدراڵی.
هەروەها بڕیارە لە کۆبوونەوەکەدا، کۆی دۆخی دارایی ساڵی 2025 بخرێتەڕوو، و ستراتیژیی حکومەت بۆ ڕێکخستنی کاروباری کارگێڕی و دارایی و زامنکردنی مووچەی فەرمانبەران بۆ ساڵی 2026 تاوتوێ بکرێت.