نرخی زێڕ و زیو لە مامەڵەکانی رۆژی دووشەممەدا ئاستێکی پێوانەیی نوێیان تۆمارکرد، ئەمەش بەهۆی زیادبوونی خواست لەسەر پەناگە ئارامەکان لە سایەی هەڵکشانی گرژییە جیۆپۆلیتیکی و ئابوورییەکان، هاوکات لەگەڵ زیادبوونی پێشبینییەکان بۆ کەمکردنەوەی نرخی سوود لە ویلایەتە یەکگرتووەکانی ئەمریکا لەمساڵدا.
ئامارە سەرەکییەکانی بازاڕ
* زێڕ: نرخی زێڕ بۆ یەکەمجار لە مێژوودا ئاستی 4,600 دۆلار بۆ هەر ئۆنسەیەک تێپەڕاند پێش ئەوەی کەمێک دابەزێت.
* زیو: بەرزبوونەوەیەکی توندی بەخۆوە بینی گەیشتە 82.72 دۆلار بۆ هەر ئۆنسەیەک، دوای ئەوەی لە سەرەتای مامەڵەکاندا ئاستی پێوانەیی ٨٣.٩٦ دۆلاری تۆمارکردبوو.
* پلاتین و پەلادیۆم: نرخی پلاتین بە ڕێژەی بەرزبووەوە بۆ 2376 دۆلار، و پەلادیۆمیش نزیکەی 3.3٪ چوونە سەرێی بەخۆوە بینی.
هۆکارە سەرەکییەکانی بەرزبوونەوە
* گرژییە جیۆپۆلیتیکییەکان: توندبوونی ئاڵۆزییەکان لە ئێران و ڕاپۆرتەکان سەبارەت بە گیانلەدەستدانی زیاتر لە ٥٠٠ کەس لە خۆپیشاندانەکاندا، مەترسییەکانی فراوانبوونی ناسەقامگیری لە ناوچەکەدا زیادکردووە، ئەمەش وەبەرهێنەرانی پاڵناوە بەرەو کانزا بەهادارەکان.
* داتاکانی بێکاری لە ئەمریکا: خاوبوونەوەی گەشەی هەلی کار لە مانگی کانوونی یەکەمدا، ئەگەری کەمکردنەوەی نرخی سوودی لەلایەن بانکی ناوەندی ئەمریکاوە (فیدراڵ ڕیزەرف) زیاتر کردووە.
* دابەزینی دۆلار: دابەزینی بەهای دۆلار لە بەرزترین ئاستی یەک مانگی ڕابردووی، وایکردووە کڕینی کانزاکان بۆ هەڵگرانی دراوەکانی تر هەرزانتر و سەرنجڕاکێشتر بێت.
بازاڕەکان بە وردی چاودێری پەرەسەندنە جیۆپۆلیتیکی و ئابوورییەکان دەکەن، چونکە بەردەوامی دۆخی نادیار وایکردووە کانزا نەفیسەکان وەک ئامرازێکی سەرەکی بۆ پاراستنی سەرمایە لە لایەن وەبەرهێنەرانەوە بمێننەوە.