زانای کورد شێخ مورشید خەزنەوی، سڵاویی لە تێکۆشانی گەلانی ئێران و ڕۆژهەڵاتی کوردستان کرد و ڕایگەیاند، پێویستە هەموو حزب و ڕێکخراوە کوردییەکان یەکبگرن، بەرە و پلاتفۆرمی هاوبەش بۆ پاراستنی گەلی کورد لە ڕۆژهەڵات پێکبهێنن، لە دەوری مێزێک کۆببنەوە و ببنە هێزێکی گەورە.
خۆپیشاندان و ناڕەزایەتییەکان، لە ئێران و ڕۆژهەڵاتی کوردستان لە دژی ڕژێمی ئێران هەشت ڕۆژە بەردەوامە، لەو چوارچێوەیەشدا زانای کورد شێخ مورشید خەزنەوی، سەبارەت بە ناڕەزایەتییەکان و پێشهاتەکانی ڕۆژهەڵاتی کوردستان لێدوانێکی بۆ ئاژانسی هەواڵی فورات کرد.
خەزنەوی لە سەرەتای قسەکانیدا ئاماژەی بەوەکرد، گەلی کوردمان لە ڕۆژهەڵات، سڵاو لە کارەکانتان، ڕەنجتان، تێکۆشان و بەرخۆدانتان دەکەین، ئێوە نامۆ نین بەم تایبەتمەندیانە، ئێوە پارێزەری ناسنامەی کوردن، ئێوە شوێنکەوتووی شۆڕشگێڕانن، ئێوە هەڵگری ئازار و هیوای ١٠٠ ساڵەن، ئێوە نەوەکانی قازی محەمەدن، ئێوە شوێنکەوتوانی یەکەمین کۆماری گەلی کوردن، جارێکی تر نەخشەی ڕۆژهەڵاتی ناوەڕاست بە خوێن دەکێشرێن، تەنها ئەو گەلانەی دەبن بەیەک دەتوانن لەناو داهاتوودا جێگەی خۆیان بگرن.
وتیشی: سەیری گەلەکەم، لە خوشک و براکانم لە ڕۆژئاوا بکەن، برینەکانیان قوڵن، ململانێ لە نێوان هێزە سیاسییەکان هەبوو، بەڵام کاتێک بڕیاری چارەسەرکردن درا، پارتیزانەکان بێدەنگ بوون؛ تەنها هاوارێکی بەرز بیسترا: کورد، کوردستان و بژی خوشک و برایەتی گەلی کورد بیسترا، ئەم هاواری یەکڕیزییە بوو بە ئەکتەری سەرەکی گەل، ئەمڕۆ نۆرەی ڕۆژهەڵاتە، بای گۆڕانکاری لە ئێراندا خەریکە چەوساندنەوە و زوڵم لە ڕیشه هەڵدەکێشێت و فڕێی دەدات، ڕژێمێک کە زوڵم و فشار درێژە بە دەسەڵاتی خۆی دەدات، بە دەنگی پێی شۆڕشگێڕان دەلەرزێت، ئەو سەردەم و هەلومەرجەی ئێمە تێیداین لە پێشووتر ناچێت، ئێمە لە سەردەمی نەگەڕانەوەداین، ڕۆژهەڵاتی ناوەڕاست بە پرۆسەیەکی مێژووییدا تێدەپەڕێت، گەلی کوردستانیش نابێ ئەو دەرفەتە لەدەست بدات
شێخ مورشید خەزنەوی ڕایگەیاند، سڵاو لە هەموو پارت و ریکخراوەکانی ئێران و ڕۆژهەڵات دەکەم، بەناوی ئەو دایکانەی کە ئومێدیان ئێوەن و لە دەروازەی زیندانەکان وەستاون، بەناوی ئەو گەنجانەی ڕووبەڕووی لەسێدارەدان دەبنەوە، بەناوی ئەو شەهیدانەی کە وەسێتی خۆیان بۆ ئێمە بەجێهێشت داوا لە ئێوە دەکەم، با ئێستا ئەم دابەشبوون و لێدوانە جیاوازانە کۆتایی بێت، خەڵکی ڕۆژهەڵات دەپرسن کەی لە ژێر یەک ئاڵادا کۆدەبنەوە و هەڵوێستێکی هاوبەش نیشان دەدەن، بۆ پاراستنی گەلی کورد لە ڕۆژهەڵات، دروستکردنی سەکۆ و بەرەیەکی هاوبەش، لە دەوری مێزێک کۆببنەوە و ببن بە هێزێکی گەورە، بەم شێوەیە دەتوانیت ڕێگری لە داگیرکەران بکەین، بچوکترین مافی گەلەکەت دەرببڕین و گەلەکەمان لە بەرامبەر گەمەی زلهێزە نێودەوڵەتییەکان بپارێزین.
ئەو زانا کوردە لە کۆتای قسەکانیدا وتیشی: ئێوە دوژمنی یەکتر نین، دوژمنی ئێوە ئەو هێزانەن کە خاکی ئێوەیان داگیر کردووە، ئێوە یەکێکن لە کلیلی هەموو پارچەکانن، تا هەموو کلیلی چوار پارچەی کوردستان بەیەکەوە کۆ نەکرێنەوە، دەرگاکانی ئازادی ناکرێتەوە، گەلەکەمان چاوەڕوانی هەنگاوێکی مێژوویی شایستەی بەرخۆدان و تێکۆشانە لە ئێوەیە، گەنجەکانمان لە زیندان چاوەڕێی پەیامێکن لە ئێوەوە بۆ بەرزکردنەوەی مۆراڵیان، بنەماڵەی شەهیدان چاویان لە هەڵوێستی ئێوەیە، گەلەکەمان لە سێ پارچەکەی تری کوردستان چاوی لە هەڵوێستی ئێوەیە، کورد لە ڕۆژهەڵات یان وەک شاخێک دەوەستێت یان ئەم دەرفەتە زێڕینە لەدەست دەدات، بڕیاری یەکڕیزی لە ڕۆژهەڵات خەون نییە و پێدانی ئەم بڕیارە لە دەستی ئێوەدایە، بژی بەرخۆدانی ڕۆژهەڵات، بژی کورد، بژی کوردستان.