بەڕێوەبەرایەتی هاتوچۆی پارێزگای سلێمانی لە ئاگادارییەکدا هۆشداری دەداتە شۆفێران، بەهۆی نزمبوونەوەی پلەکانی گەرما و تەمەوە زیاتر پابەندی ڕێنماییەکانی هاتوچۆ بن.
بەڕێوەبەرایەتییەکە ئەمڕۆ هەینی 2ی کانوونی دووەمی 2026، ئاگادارییەکەی بڵاوکردووەتەوە و تیایدا هاتووە “بەهۆی نزمبوونەوەی پلەکانی گەرماو دروستبوونی تەمێکی زۆر لە شاری سلێمانی و دەوروبەری و کەمبونەوەی ئاستی بینین، داواتان لێدەکەین پابەندی یاساو ڕێنماییەکانی هاتوچۆ بن”.
لە ئاگادارییەکەدا خەجت دەکاتەوە و داوا لەشۆفێران دەکات، بۆ کارێکی زۆر پێویست نەبێت سەردانی ڕێگەکانی دەرەوەی شار نەکەن، چونکە لەچەندین شوێندا تەم هەیە و ئاستی بینین بۆ چەند مەترێک کەمبووەتەوە.
هەروا داوا لە شۆفێران دەکات، خێرایی ئۆتۆمبێلەکانتان کەمبکەنەوە، گرنگی بدەن بەلایتی ئۆتۆمبێلەکانتان، بەتایبەت لایتی تەم بەکاربهێنن و بەدووربن لەبەکارهێنانی لایتی بەرز (فوول لایت).
هەروەها هۆشداری دەدات، ئەو ئۆتۆمبێلانەش لایتەکانیان ئیش ناکات، نەهێندرێنە سەر شەقام، تا بەدووربن لەڕووداوی هاتوچۆ