پزیشکانی گشتی دەرچووی دەرەوەی وڵات بە #ئاپۆڕانیوزیان ڕاگەیاند: لەکاتێکدا ئێمەی پزیشکانی گشتی دەرەوەی وڵات لە چاوەڕوانی چارەسەرکردنی کێشەکانمان و راست کردنەوەی ئەو پێشێلکارییەی بەرامبەرمان کراوە، لە جیاتیی گەڕانەوەی مافەکانمان و جێبەجێکردنی ماددەی شەشی ساڵی 2000 تایبەت بە پزیشکی و پلە بەندی پزیشکی ، وە جوابدانەوەی هەموو ئەو نوسراوانەی دەستەی مافی مرۆف و سەندیکا پزیشکانی هەرێمی کوردستان و هۆشداری دادگای کارگێری هەولێر کە رەوانەی وەزارەتی تەندروستی کراوە سەبارەت بە گەڕانەوەی مافەکانمان و جێبەجێکردنی داواکارییەکانمان، ئاگادارکراینەوەی لەلایەن بنکەی پۆلیسی تەیراوە ، کەسەردانی بنکەی ناوبراو بکەین بۆ ئیفادە لەسەر سکاڵای وەزیری تەندروستی ، بەبیانووی ئەوەی خۆپیشاندان و مانگرتن لە وەزارەتی تەندروستی ئەنجامدراوە ، سەرەڕای ئەوەی کە چەنەها جار رووبەڕوی ئازار و لێدان و هەرەشە کردن و تەنانەت و دەست بەسەر کردنیش بووینەتەوە ، بەلام وەزارەتی تەندروستی لە جیاتی گەڕانەوەی مافەکانمان و جێبەجێکردنی داواکارییە زەوتکراوەکانمان ، بەڵام وەزیری تەندروستی هەستاوە بە تۆمارکردنی سکاڵا لە دژی ئێمەی پزیشک ، ئێمە ئەمە بە کپکردنی دەنگی مافخوراو و ناڕازی ئێمە ، وە هەڕەشەیە بۆسەر ئازادی رادەربڕین دەبینین .
شایەنی باسە، پزیشکانی دەرچوی دەرەوەی وڵات لەبەرامبەر دانەمەزراندنیان چەندجارێک لەبەردەم وەزارەتی تەندروستی گردبونەتەوە و کۆنگرەی ڕۆژنامەوانیان بەست و لەکۆتاجاریشدا، لەناو وەزارەتی تەندروستی بەپێی وتەی خۆیان لەکاتی مانگرتنیان هێرشیانکراوەتە سەر و بەهۆی ئەم گرژی و ئاڵۆزیەی ناو وەزارەتی تەندروستی، وەزیری تەندروستی سکاڵای یاسایی لەسەر 53پزیشکی دەرچوی دەرەوەی وڵات تۆمارکردوە بەتۆمەتی نانەوەی پشێوی لەناو وەزارەت و ڕاگرتنی کاروباری هاوڵاتیان