بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ چوارشەممە، ئاسمانی هەرێم بە گشتی لە نێوان نیمچە هەور و هەوری تەواو دەبێت و ئەگەری نمەبارانی کەم لەسەر ناوچە شاخاوییەکان هەیە لەگەڵ ئەگەری بەفرێکی کەم لە ناوچە شاخاوییە سنوورییە بەرزەکان.
ئەوەشی خستەڕوو کە خێرایی با لە نێوان 10-20 کیلۆمەتر دەبێت لە کاتژمێرێکدا، بەڵام لە سنووری پارێزگای سلێمانی و ئیدارەی ڕاپەڕین بۆ سەروو 30 کیلۆمەتر بەرزدەبێتەوە.
ئاماژەشیدا بەوەی پلەی گەرما 2-4 پلە بەراورد لەگەڵ تۆمارکراوەکانی دوێنی بەرزدەبێتەوە.
سەبارەت بە سبەینێ پێنجشەممەش، کەشناسی ڕایگەیاند، ئاسمان ساماڵ دەبێت لەگەڵ هەندێک پەڵە هەوری جیا و خێرایی با هاوشێوەی ئەمڕۆ دەمێنێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 15 پلەی سیلیزی
سلێمانی : 12 پلەی سیلیزی
دهۆک : 13 پلەی سیلیزی
زاخۆ :13 پلەی سیلیزی
کەرکووک : 17 پلەی سیلیزی
هەڵەبجە : 14 پلەی سیلیزی
سۆران: 12 پلەی سیلیزی
گەرمیان : 16 پلەی سیلیزی