لەماوەی چەند ڕۆژی ڕابردوودا فڕۆکەخانەکانی عێراق بەهۆی تەم و مژەوە زۆرجار پچڕانیان بەخۆوە بینیوە، شەپۆلەکانی تەمیش چەندین جار گەشتە ئاسمانییەکانی فڕۆکەخانەکانی بەغدا و بەسرەیان پەکخستووە، ئەمەش بووەتە هۆی دواکەوتن و سەرلێشێواوی خشتەی گەشتەکان.
لای خۆیەوە، کەشناسی عێراقی پشتڕاستکردەوە کە دابەزینی ئاستی بینینی ئاسۆیی لە ئەنجامی دروستبوونی شەپۆلی تەمی چڕ لە زۆر شوێنی شارەکانی وڵات، بەتایبەتی لە ناوچە بیابانییەکان، ئەمەش بەهۆی بەرزی ئاستی شێ.
ڕۆژی یەکشەممە کەشناسی عێراق ڕایگەیاندبوو کە وڵاتەکە کاریگەری لەسەر دۆخێکی کەشوهەوای دەگمەن و ناجێگیر دەبێت کە لە دووشەممەوە تا کۆتایی هەفتە درێژدەبێتەوە، ئەگەری بارانبارینی چڕی جیاواز لە ڕۆژئاوا و باشووری وڵات چڕ دەبێتەوە، ئەگەری کەمتر لە باکوور و ڕۆژهەڵات.
ڕوونیشیکردەوە، لوتکەی بارودۆخی کەشوهەوا لە ڕۆژی چوارشەممە دەبێت، لەگەڵ بارانبارینی بەردەوام بەتایبەتی لە ئەنبار، هەروەها لە ڕۆژی پێنجشەممەوە دەست بە کەمبوونەوە دەکات و بەرەبەیانی ڕۆژی هەینی کۆتایی دێت، دواتر دابەزینی بەرچاوی پلەکانی گەرما لەگەڵ بای ساردی باکووری ڕۆژئاوا ڕوودەدات، هاوکات هۆشداری دەدات لە دروستبوونی تەمی چڕ لە ڕۆژانی دووشەممە و سێشەممەدا، کە دەبێتە هۆی کەمبوونەوەی لە بینینی ئاسۆیی لە ژمارەیەک بواردا.
هەفتەی ڕابردوو چەند پارێزگایەکی عێراق تووشی لافاوێکی لەناکاو بوون کە بەهۆی بارانبارینی بەخوڕەوە دروستبوو، لەئەنجامدا زیان بە ڕێگاوبان و ژێرخانەکان کەوت، ئەمەش وایکرد ژمارەیەک پارێزگا دەوامی فەرمی لە هەندێکیان ڕابگرن