شارەزایەکی کەشناسی دەڵێت بارانی بەخوڕ و بەلێزمە بەڕێوەیە و ئەگەری بوژانەوەی روبارەکانیش هەیە
هەڤاڵ سدیق گەڵۆزی، شارەزای کەشناسی رایگەیاند، لە درەنگانی شەوی شەممە لە سەر یەکشەممە نمەباران لە ناوچەکانی رۆژئاوای هەرێم و پارێزگای ئەنبار بارانبارین دەستپێدەکات.
چەقی شەپۆلەکە ناوەڕاستی هەفتەیە
باسی لەوەشکرد: لە رۆژانی دووشەممە، سێ شەممە و چوارشەممە کاریگەری شەپۆلەکە فراوانتر دەبێت و ئەگەری بارانی بەخوڕ و بە لێزمە هەیە.
لە هەندێک ناوچە 300 ملم تێدەپەڕێنێت
لەناوچەکانی باکووری خۆرهەڵاتی هەرێمی کوردستان ئەگەری بارانبارینی زۆرباش هەیە لەهەندێ ناوچە بەگوێرەی پێشبینی (150-200)ملم لەهەندێ ناوچە لەوانەیە بارانبارین(300)ملم تێپەڕبکات و رووبارەکان دەبوژێنەوە.