ڕۆژی دووشەممە سەرچاوەیەک بە ئاپۆرانیوزی ڕاگەیاند، ئەمڕۆ ھێزێکی ئەمنی زۆر گەمارۆی گوندی لاجانیان داوەو بە دانیشتوانی گوندەکەیان ڕاگەیاندووە، کە حەڤدە کەسی نێو گوندەکە چەکیان پێیە و دەبێت تەسلیمی بکەن، بەڵام دوای جێبەجێکردنی داواکارییەکەیان و پێدانی چەکەکانیان، کەچی ھێزە ئەمنیەکان سوربوونە لەسەر ئەوەی کەتەواوی گوندەکە بپشکنن، ئەمەش ناڕەزایی خەڵکی گوندەکە لێکەوتۆتەوەو ڕازی نەبوونە، بەڵام دواتر پێیان وتوون کە گوندەکە چۆڵ دەکەن.
ھەروەھا سەرچاوەكە باسی لەوەشکرد، ڕۆژ بەڕۆژ ھێزی زیاتر بەرەوە گوندەکە بەڕێدەکرێت و بەباجەڕ و دۆشکە چواردەوری گوندەکەیان گرتوە.
