لە یاریی قۆناغی چارەکی کۆتایی جامی شای سعودیە، یانەی ئیتیحاد و شەباب رووبەرووی یەکتر بوونەوە.
لە تایمی یەکەم، شەباب بە هێرشبردن دەستیپێکرد و لە خولەکی 14 حەمدەڵڵا گۆڵی یەکەمی شەبابی لە تۆڕی گۆڵی یانە کۆنەکەی تۆمارکرد، بەڵام خۆشییەکانی شەباب تەنیا ئەو گۆڵە بوو.
ئیتیحاد کۆنترۆڵی یاریگای گرتە دەست و لە خولەکەکانی 20 و 30 دوو گۆڵیان لە رێگەی دۆمبیا و کەریم بنزیما تۆمارکرد و مێزەکەیان بەسەر شەباب قڵپ کردەوە.
لە تایمی دووەم، ئیتیحاد درێژەی بە ئاستە بەرزەکەیدا و لە خولەکەکانی 84 و 86 کەریم بنزیما دوو گۆڵی دیکەی تۆمارکرد و هاتریکی خۆی لە یارییەکەدا نوسییەوە.
سەرەنجام یارییەکە بە چوار گۆل بەرامبەر بە گۆڵێک لە سودی ئیتیحاد کۆتاییهات، بەم ئەنجامە تیپەکەی جەددە سەرکەوتنی بۆ قۆناغی پێش کۆتایی پاڵەوانێتییەکە بەدەستهێنا.
