ئیدارەی راگەیاندنی وزەی ئەمریکا ئاشکرایدەکات، لە هەفتەی رابردوو، هەناردەی نەوتی عێراق بۆ ئەمریکا زیادیکردەوە و سێیەم گەورەترین وڵاتی هەناردەکاری نەوتە بۆ ئەمریکا.
ئیدارەی راگەیاندنی وزەی ئەمریکا خشتەیەکی بڵاوکردەوە و تێیدا ئەوە خراوەتەڕوو، هەفتەی رابردوو، هەناردەکردنی نەوتی خاو بۆ ئەمریکا، کە لە هەشت دەوڵەتەوە بووە، بە تێکڕا پێنج ملیۆن و 692 هەزار بەرمیل بووە لە رۆژێکدا، بەراورد بە هەفتەی رابردوو 335 هەزار بەرمیل زیادیکردووە.
ئاماژەی بەوەشکرد، هەناردەکردنی نەوتی عێراق بۆ ئەمریکا بە تێکڕا 378 هەزار بەرمیل بووە لە رۆژێکدا، بەراورد بە هەفتەی پێشوو، 92 هەزار بەرمیل رۆژانە زیادیکردووە، بەمەش عێراق بووە سێیەم گەورەترین هەناردەکاری نەوت بۆ ئەمریکا لە ماوەی هەفتەی رابردوودا.
ئەوەشی خستەڕوو، باسی لەوەشکردووە، لە ماوەی هەفتەی رابردوو، کەنەدا گەورەترین هەناردەکاری نەوت بووە بۆ ئەمریکا، کە بە تێکڕا سێ ملیۆن و 961 هەزار بەرمیلی لە رۆژێکدا هەناردەی ئەمریکا کردووە، پاش ئەویش مەکسیک دێت، بە تێکڕای 562 هەزار بەرمیل لە رۆژێکدا، لە پلەی چوارەمیشدا، مەکسیک دێت، بە تێکڕای 184 هەزار بەرمیل لە رۆژێکدا.
