بەڕێوەبەرایەتی ڕێکخستنی پسوولەی خۆراكی هەولێر ڕایدەگەیەنێت، ئەوانەی دەیانەوێت بلۆكی سەر ئەندامانی خێزانەكەیان لە ئەپڵیكەیشنی پسووڵەی خۆراك لابەرن و پارەیان داوە سەیری بەرنامەكە بكەن و ئەگەر نەكرابووەوە چاوەڕێی گەیشتنی نامە بكەن.
بەڕێوەبەرایەتی ڕێکخستنى پسوولەی خۆراکی هەولێر لە ئاگادارییەكدا ئاماژەی بەوەداوە، دوای ئەوەی بەهۆی هەڵەیەکی هونەریەوە لەلایەن وەزارەتی بازرگانی عیراقەوە لابردنی بلۆکی سەر تاکەکانی خێزان ڕاوەستا بۆ ئەوانەی دەیانوویست بلۆکی سەر تاکەکانیان لابەرن بەفیزا کارت و پێدانی رسوماتی پسوولەی خۆراک با لە ئەپلیکەیشنەکە سەیری ناوەکانیان بکەن تا بزانن بلۆکەکە لادراوە.
دەشڵێت: ئەگەر لانەدرابوو دوای ئەوەی لە مۆبایلەکانیانەوە نامەیان بۆ دێت دەتوانن بلۆکەکە لابەرن و پێویست ناکات دووبارە رسومات واتە شەش هەزارەکە بە فیزا کارت بدەن .
ڕوونیشی كردۆتەوە، لابردنی بلۆکی سەر تاکەکانی خێزان تەنیا بۆ ئەو هاووڵاتیانەیە، کە ماوەی دوو ڕۆژ هەوڵیاندا بەڤیزە کارت داخیلی سیستەمەکە ببن، بەڵام سەرکەوتوو نەدەبوو لەجێبەجێ کردنی .