ڕۆژی هەینی وەزارەتی ئاسایشی ناوخۆی ئەمریکا
ناوی ئەو وڵاتانەی ئاشکراکرد کە لەسەر بڕیاری دۆناڵد ترەمپ بۆ هەمیشە قەدەغەی گەشتکردنیان بۆ ئەمریکا بەسەردا سەپێنراوە ژمارەیان نۆزدە وڵاتە.
دوێنێ پێنج شەممە دۆناڵد ترەمپ لە زنجیرە پۆستێکدا لە تۆڕی کۆمەڵایەتی truth social نووسیویەتی: "هاتنی کۆچبەر لە هەموو وڵاتانی جیهانی سێیەمەوە بۆ هەمیشە ڕادەگرێت".
بڕیارەکەی ترەمپ دوای ئەوە هات کە پیاوێکی ئەفغانی لە نزیک کۆشکی سپی تەقەی لە دوو ئەندامی پاسەوانی نیشتمانی کرد کە یەکێکیان ژن بوو کە دواتر گیانی لەدەستدا.
ئەو 19 وڵاتە بریتین لە؛ لیبیا، سودان، یەمەن، سۆماڵ، ئێران، ئەفغانستان، بۆرما (میانمار)، بوروندی، چاد، کوبا، کۆماری کۆنگۆ، گینیا ئیکواتۆریال، ئێریتریا، هایتی، لائۆس، سیرالیۆن، تۆگۆ، تورکمانستان و ڤەنزوێلا.
لە ماوەی چەند خولەکێکدا ترەمپ سێ لێدوانی بە وشەی توند بڵاوکردەوە و سوێندی خوارد "کۆتایی بهێنێت بۆ هەموو ئەو ڕەزامەندییە نایاساییانەی کە لە سەردەمی سەرۆکی پێشوو جۆبایدندا دراون ".
هەروەها ترەمپ بەڵێنیدا ژمارەی "دانیشتووانی نایاسایی و تێکدەر" لە ئەمریکا بە شێوەیەکی بەرچاو کەم بکاتەوە و کۆتایی بە یارمەتییە فیدراڵیەکان بهێنێت بۆ کەسانی غەیرە ئەمریکی و هەر بیانییەک کە "لەگەڵ شارستانیەتی ڕۆژئاوا ناگونجێت" دیپۆرت بکاتەوە.