Apora Logo

لیژنەی كاری هاوبەشی چەپی كوردستان: بە تووندی هێرشكردنەسەر كێڵگەی كۆرمۆر ئیدانە دەكەین

لیژنەی كاری هاوبەشی چەپی كوردستان: بە تووندی هێرشكردنەسەر كێڵگەی كۆرمۆر ئیدانە دەكەین

لیژنەی كاری هاوبەشی چەپی كوردستان لە ڕاگەیەنراوێکدا جگە لە ئیدانەکردنی هێرشكردنە سەر كێڵگەی كۆرمۆر، باس لەوەشدەکات بەرپرسیارێتی ئاسایش وڵات ئەرکی هەردوو حکومەتی هەرێم و عێراقە پێویستە سنورێک بۆ ئەو گروپە چەکدارانە دابنێن.

27/11/2025

لیژنەی كاری هاوبەشی چەپی كوردستانیی ڕاگەیەنراوێکی لەبارەی هێرشکردنە سەر کێڵگەی کۆرمۆر بڵاوکردەوە لە ڕاگەیەنراوەکەدا هاتووە؛ هێرشكردنە سەرژێرخانی ئابووری هەرێمی كوردستان هەڕەشەیەكی جددییە لە سەر ئارامی و سەقامگیری و تاوانێكی بێ پاساوەو بەئامانجگرتنی بەردەوامی قەوارەی هەرێمە جگەلەوەی كارێكی دوژمنكارانەیە، لەهەمانكاتدا مەترسییەکی گەورەیە بۆ سەر ژیان و گوزەرانی هاوڵاتیان و جومگەكانی بواری ئابوری و خزمەتگوزاری گشتی لێدانە لە سەروەری نیشتمانی.


دەشڵێت، ئێمە لە لێژنەی كاری هاوبەشی چەپی كوردستان، بەتوندی ئەو هێرشە و هەر پەلامارێکی دیکە بۆ سەر ژێرخانی ئابوری هەرێم سەركۆنە دەكەین و داوادەكەین بەزووترین كات بكەرانی بدۆزرێنەوە و دادگا ڕۆڵی خۆی ببینێت و بۆ ڕای گشتی ئاشكرا بكرێت.


جەختیش لەوەدەکاتەوە، بەرپرسیارێتی ئاسایش ووڵات و ڕوبەڕوبوونەوەی مەترسی تیرۆرستان ئەرکی هەردوو حکومەتی هەرێم و عێراقە و پێویستە سنور بۆ گروپە چەکدارەکانی عێراق دابنێن و ڕێگری جددی لە هەر دەستە و گرووپێك بکەن کە لەدەرەوەی یاسا و دام و دەزەگا فەرمییەكاندان.


لیژنەی كاری هاوبەشی چەپی كوردستان

حزبی شیوعی كوردستان

حزبی زەحمەتكێشانی كوردستان

بزووتنەوەی دیموكراتی گەلی كوردستان 

27/11/2025

;