ئۆزگور ئۆزێل سەرۆکی پارتی کۆماری گەل (جەهەپە) ئەو ئۆفەرە نهێنییەی کە بۆ سەردانی ئیمرالی پێگەیشتووە ئاشکرا دەکات:
پێش ئەوەی بڕیار بدەین بچین یان نەڕۆین، بەرپرسێکی پلە باڵا و کاریگەر لە پارتی داد و گەشەپێدان (AKP) پێی ڕاگەیاندین: "ئێوەش دەبێت بێنە دوورگەی ئیمرالی. هیچ ڤیدیۆ و وێنەیەک نابێت. ڕوون نابێتەوە کەی دەچین یان دەگەڕێینەوە. کەشتییەکی نەفەر هەڵگر نابێت، بەڵکو هەلیکۆپتەرێک دەبێت، چونکە ڕۆژنامەنووسان لەوێ چاوەڕێمان دەکەن. تەنانەت ڕوونیش نابێتەوە کە ئایا ئەو... هێلیکۆپتەرەکە هەڵفڕی یان نیشتەوە.
دوای ئەوەی دەڕۆین دەڵێن ئەرکەکە تەواو بووە. وە ئەگەر حەزت لێیە تەنانەت دەتوانین بیشارینەوە کێ ڕۆیشتووە. ئێمە بە سادەیی دەڵێین 'کەسێک لە جەهەپە ڕۆیشت'".
بێگومان جەهەپە بە هۆکاری هەڵبژاردن نەچووە، چونکە دەزانن زۆرینەی گەلی تورکیا پشتیوانی پرۆسەی ئاشتی یان چارەسەری پرسی کورد ناکەن و بە توندی دژایەتی دانوستانەکانی حکومەت لەگەڵ عەبدوڵا ئۆجالان دەکەن. بۆیە بە مەبەستی کۆکردنەوەی دەنگی نەتەوەپەرستانی تورک بڕیاریان دا نەچن.
"پرۆسەی ئاشتی" و دانوستان لەگەڵ پارتی کرێکارانی کوردستان (پەکەکە) بۆ ئەوان و بۆ ئەردۆغان پرسێکی سیاسی و هەڵبژاردنە.
نزیکەی 80%ی گەلی تورکیا بە کوردیشەوە متمانەیان بەم پرۆسەیە و نە بە مەبەستی ئەردۆغان نییە و کەمتر لە 45%ی گەلی تورکیا ئاشتی لەگەڵ پەکەکە ناخوازن، بەپێی دوایین ڕاپرسییەکان.