وەزارەتی پلاندانانی عێراق ئەنجامی کۆتایی سەرژمێریی گشتیی دانیشتوانی بڵاوکردەوە

ئەمڕۆ چوارشەممە وەزارەتی پلاندانانی عێراق ئەنجامی کۆتایی سەرژمێری دانیشتووانی بڵاوکردەوە بەگوێرەی ئامارەکان، لە کاتی ئەنجامدانی پرۆسەی سەرژمێریدا، کۆی گشتیی دانیشتووانی عێراق ( هاوڵاتی عێراقی و ئەو بیانییانەی نیشتەجێن) گەیشتووەتە 46 ملیۆن و 118 هەزار و 793 کەس، هەروەها کۆی گشتی خێزانەکان 8,054,385 خێزانن.

هەروەها ژمارەی تاکەکانی تەمەن 15-45 ساڵ 27,800 هەزار کەسە، کە دەکاتە 60%ی دانیشتوانی عێراق. 

هەر بەپێی ئەنجامی سەرژمێرییەکە، ڕەگەزی نێر 23 ملیۆن و 161 کەسە کە دەکاتە 50.2%ی دانیشتووان. ڕەگەزی مێ، 22 ملیۆن و 957 هەزار کەسە کە دەکاتە 49.8%ی کۆی دانیشتووان.

هەروەها لە 72%ی دانیشتووان لە خانووی (موڵک، بێبەرامبەر، یان لەگەڵ دایک و باوکیان) دەژین و لە 19%ی دانیشتووان لە یەکەی نیشتەجێبوونی کرێدا دەژین.

بەمەش کۆی گشتیی یەکەکانی نیشتەجێبوون (جگە لە باڵەخانە حکومی و سەربازگەکان) گەیشتووەتە 8 ملیۆن و 34 هەزار یەکە.

عێراق لە 20 و 21ی تشرینی دووەمی 2024دا یەکەم سەرژمێری گشتگیری دانیشتوانی لە ماوەی 37 ساڵدا ئەنجامدا، لە مانگی شوباتی 2025 وەزارەتی پلاندانانی عێراق ئەنجامە بەراییەکانی سەرژمێرییەکەی ڕاگەیاند، کە 45,407,000 کەس بوو