عیماد جەمیل سەرۆکی تیمی ڕاگەیاندنی کۆمسیۆن ڕایگەیاند، "ئەمڕۆ دووشەممە، لە نێوان کاتژمێر 5 بۆ 6ی ئێوارە کۆمسیۆن بە فەرمی ئەنجامی کۆتایی هەڵبژاردنی پەرلەمانی عێراق ڕادەگەیەنێت".
جەمیل ڕوونیشیکردەوە، "ئەنجامەکان لە ڕێگەی کۆنفرانسێکی ڕۆژنامەوانییەوە ڕادەگەیەنرێن کە لە کەناڵی فەرمی (عێراقی) پەخش دەکرێت، ئەنجامەکانیش یەکسانن و هیچ گۆڕانکارییەک لە ئەنجامە سەرەتاییەکان ناکرێت کە دوای 24 کاتژمێر دوای کۆتاییهاتنی پرۆسەی هەڵبژاردن ڕاگەیەندرا".