بەڕێوەبەرایەتی گشتی کەشناسی و بومەلەرزەزانی ھەرێمی کوردستان لە راگەیەندراوێکدا وتی، ئەمڕۆ هه‌ینی، ئاسمان ساماڵ دەبێت و پلەکانی گەرماش نزیك ده‌بن له تۆماركراوه‌كانی دوێنێ.
هەر بەپێی راگەیەندراوەكە، سبەی شەممه، ئاسمان ساماڵ دەبێت لەزۆربەى کاتەکانداو هەندێک کات پەڵە هەورى لەگەڵدا دەبێت و پله‌كانی گه‌رماش نزیك ده‌بن له تۆماركراوه‌كانی ئه‌مڕۆ.
كەشناسی هەرێم پێشبینی كردوە بەرزترین پلەکانی گەرمای پێشبینیکراو بۆ سبەی بەم جۆرە بن: ھەولێر: 28، سلێمانی: 27، دھۆک: 28، کەرکوک: 29، ھەڵەبجە: 29، زاخۆ: 27، حاجی ئۆمەران: 17، سۆران: 27، گەرمیان: 31 پلە.