ئاژانسی هەواڵی حکومەتی کاتی سوریا بە گێڕانەوە لە سەرچاوەیەک لە وەزارەتی بەرگری حکومەتی سوریا بڵاویکردەوە "لە ئەنجامی هێرشی هێزەکانی سوریای دیموکرات بۆ سەر بنکەیەکی سەربازی لە نزیک بەنداوی تشرین لە لادێکانی حەلەب دوو سەرباز کوژراون و سێیەمیش بریندار بووە"."
بەم پێیە هێزەکانی سوریای دیموکرات بەیاننامەیەکیان بە توندی ئەم زانیاریانەیان ڕەتکردەوە و پشتڕاستیانکردەوە کە هێزەکانیان هیچ ئۆپەراسیۆنێکی بەئامانجگرتنیان لەو ناوچەیەی کە پێشتر ئاماژەیان پێکراوە ئەنجام نەداوە..
لە ڕاگەیەندراوەکەدا ڕوونیکردەوە: "بەپێی ئەو زانیارییە مەیدانییانەی لەبەردەستماندایە، ڕووداوەکە لە ئەنجامی تەقینەوەی مین لە دەوروبەری خاڵە سەربازییەکەی سەر بە حکومەتی دیمەشق ڕوویداوە و هێزەکانمان هیچ پەیوەندییەکیان بەوەوە نییە"."
هەروەها هێزەکانی سوریای دیموکرات پابەندبوونی خۆیان بە پرەنسیپی کەمکردنەوەی پەرەسەندن و پاراستنی سەقامگیری لە ناوچە بەرکەوتنەکاندا دووپاتکردەوە، هەروەها بە بەردەوامی هەوڵە نیشتمانییەکان بۆ ڕووبەڕووبوونەوەی هەڕەشەکان کە ئاسایش و سەلامەتی دانیشتووان لە هەموو پێکهاتەکانەوە دەکەنە ئامانج..
هەسەدە داوای لە میدیاکان کرد کە وردبین و پشت بە سەرچاوەی باوەڕپێکراو ببەستن، هەروەها گێڕانەوەی نادروست بڵاونەکەنەوە کە بتوانێت گرژیەکان هەڵبگیرسێنێت یان ڕای گشتی بەلاڕێدا ببات.