سوپای ئیسرائیل لە بەیاننامەیەکدا ڕایگەیاندووە، "بە پشتبەستن بە ڕێنماییەکانی سەرکردایەتی سیاسی، و دوای زنجیرەیەک هێرشی گەورە کە دەیان ئامانجی کردە ئامانج، سوپای ئیسرائیل دەستیکرد بە بەهێزکردنی ڕێککەوتنەکە دوای ئەوەی لەلایەن حەماسەوە پێشێلکرا ".
لە درێژەی بەیاننامەکەدا هاتووە: "لە چوارچێوەی ئەم هێرشانەدا، سوپای ئیسرائیل و دەزگای ئاسایشی گشتی ( شین بێت )، بە سەرکردایەتی فەرماندەیی باشوور، هێرشیان کردە سەر زیاتر لە 30 ئەندام لە ئاستی سەرکردایەتی ئەو ڕێکخراوانەی کە لە کەرتی غەززە کاردەکەن".
جەختیشدەكاتەوە، سوپا بەردەوام دەبێت لە جێبەجێکردنی ڕێککەوتنەکە و بە زۆر وەڵامی هەر پێشێلکارییەک دەداتەوە.
کەناڵی 12ی ئیسرائیلی ئاشکرای کرد کە هێرشەکان بۆ سەر غەززە دواتر لە بەرەبەیانی ئەمڕۆ چوارشەممەوە وەستاوە و ئاگربەست لەو کەرتە دەستپێدەکاتەوە.