سەرچاوەیەکی ئەمنی لە کەرکوک پشتڕاستی کردەوە، ئەمڕۆ پێنجشەممە (11ی ئەیلولی 2025)، لە ئەنجامی ناکۆکی خێزانی لە نزیک بازاڕی قەزای دیبیس، دوو کەس گیانیان لەدەستدا و سێ کەسیش بریندار بوو.
ئەو سەرچاوەیە ڕاگەیاندوە "ناکۆکی خێزانی لەنێوان ئامۆزاکانیدا دروستبووە، بەهۆیەوە یەکێکیان لەنزیک بازاڕ تەقە دەکات و بەهۆیەوە دوو کەس گیانیان لەدەستدا و کەسێکی دیکەش برینداربوو".
ئاماژەی بەوەشکرد، "ئەو تاوانبارە بەرەو شوێنێکی نادیار هەڵاتووە، هاوکات هێزە ئەمنییەکان گەمارۆیەکی توندیان سەپاندووە و دەستیانکردووە بە گەڕان و هەڵکوتانە سەر چەند ماڵێک بە پشتبەستن بە زانیاری
ڕوونیشیکردەوە، "تا ئێستا بارودۆخی گشتی ئارامە، هەوڵە ئەمنییەکانیش بەردەوامن بۆ دەستگیرکردنی تاوانبارەکە".