وەزارەتی دەرەوەی سووریا، دەستدرێژییەکانی ئیسرائیلی بۆ سەر پارێزگاکانی حومس و پارێزگاکانی لازقییە، بە پێشێلکردنی ئاشکرای سەروەری وڵاتەکەی و ھەڕەشە بۆ سەر سەقامگیری ئەمنی ناوچەکە ناودەبات
دوێنێ شەو سوپای ئیسرائیل زنجیرەیەک ھێرشی ئاسمانیی کردە سەر ژمارەیەک ناوچەی پارێزگاکانی حومس و لازقییەی سووریا.
وەزارەتی دەرەوەی سووریا لە ڕاگەیاندراوێکدا بە توندی دەستدرێژییەکانی سوپای ئیسرائیلی بۆ سەر ژمارەیەک ناوچەی پارێزگاکانی حومس و لازقییە ئیدانە کرد.
وەزارەتەکە، دەستدرێژییەکانی ئیسرائیلی بۆ سەر پارێزگاکانی حومس و پارێزگاکانی لازقییە، بە پێشێلکردنی ئاشکرای سەروەری وڵاتەکەی، ھەروەھا بە ھەڕەشە بۆ سەر سەقامگیری ئەمنی ناوچەکە لەقەڵەمدا و داوای لە ئەنجوومەنی ئاسایشی نێودەوڵەتی کرد کە ھەڵوێستی توند بگرێتە بەر بە ئامانجی وەستاندنی دەستدرێژییەکانی ئیسرائیل بۆ سەر سووریا.
جەختی لەوەش کردەوە کە ھەموو ھەوڵێک بۆ زیان گەیاندن بە سەروەری و ئاسایشی نەتەوەیی سووریا ڕەت دەکەنەوە.
ھەروەھا داوای لە کۆمەڵگەی نێودەوڵەتی و بەتایبەتی ئەنجومەنی ئاسایش کردووە کە دەستدرێژییەکانی ئیسرائیل بۆ سەر سووریا ئیدانە بکات و لێپرسینەوە لە ئەنجامدەرانی دەستدرێژییەکان بکات.