باڵیۆزخانەی عێراق لە واشنتۆن لە ڕاگەیەنراوێکدا وەڵامی لێدوانەکانی وتەبێژی وەزارەتی دەرەوەی ئەمریکای دایەوەو ڕایگەیاند، کە بەغدا پەیوەندی دۆستانە و هاوکاری لەگەڵ زۆرێک لە وڵاتانی جیهاندا دەپارێزێت، لەوانەش ئەمریکا و وڵاتانی دراوسێ، دەمانەوێت ئەو پەیوەندییانە لەسەر بنەمای ڕێزگرتنی یەکتر و بەرژەوەندی هاوبەش بنیات بنێین.
ئاماژەی بەوەشکرد، عێراق "ملکەچی سیاسەتەکانی هیچ وڵاتێک نییە" و بڕیارەکانی لە ئیرادەی نیشتمانی سەربەخۆی وڵاتەکەیەوە سەرچاوە دەگرن.
لەو چوارچێوەیەدا باڵیۆزخانە ئاماژەی بەوەدا کە ئەو ڕێککەوتنە ئەمنییەی کە بەم دواییە لەگەڵ ئێران واژۆ کراوە، بەشێکە لە هاوکاریی دوولایەنە بۆ پاراستنی ئاسایش و کۆنترۆڵکردنی سنوورە هاوبەشەکان، کە بەشدارە لە سەقامگیری هەردوو وڵات و ئاسایشی ناوچەکە.