وەزارەتی بازرگانیی عێراق لە ڕێگەی نووسراوێكی فەرمییەوە كە لە 27ی نیسانی 2025 دەرچووە، داوای لە دەستەی گشتیی گومرگەكان كردووە، پارێزگاری لە مافی خاوەندارێتی براندەكانی "تۆیۆتا، لێگزس، و هایلۆكس" بكەن.
نووسراوەكە بە ڕوونی ئاماژە بەوە دەكات كە پێویستە ڕێگریی لە هاوردەكردنی هەر ئۆتۆمبێلێك بكرێت كە ناوی تۆیۆتای لەسەر بێت و لە چینەوە سەرچاوەی گرتبێت، ئەمەش بۆ پاراستنی مافی ئەو بریكارە فەرمییەی كە مۆڵەتی ژمارە (M2-24.0028)ی لە عێراقدا هەیە.
ئەم بڕیارەش لە كاتێكدایە كە بازاڕەكانی هەرێمی كوردستان و عێراق پڕە لە ئۆتۆمبێلی چینی کە بە نرخێكی هەرزانتر لە براندە ڕەسەنەكان دەفرۆشرێن.