ئەمڕۆ دووشەممە 11ی ئابی 2025، نرخی بەرمیلێک نەوتی خاوی برێنت بە 66 دۆلار و 7 سەنت مامەڵەی پێوەدەکرێت.
هاوکات نرخی بەرمیلێک نەوتی تەکساسیش بە 58 دۆلار و 63 سەنت مامەڵەی پێوەدەکرێت.
رووسیا و ئەمریکا بڕیارە لەسەر ئاگربەست و کۆتاییهێنان بە شەڕی ئۆکراینا ئەم هەفتەیە دانوستاندن بکەن، ئەگەری ئاگربەست رێگە بۆ گەڕانەوەی نەوتی رووسیا و لادانی سزاکانی ئەمریکا خۆش دەکات.
کۆبوونەوە چاوەڕوانکراوەکەی نێوان ترەمپ و پووتین لە ئالاسکا لە کاتێکدایە، پێشتر سەرۆکی ئەمریکا 12 رۆژ مۆڵەتی دابووە پووتین بۆ ئەوەی کۆتایی بە شەڕی ئۆکراینا بهێنێت و هەڕەشەی تووندکردنەوەی سزاکانی کردبوو.