عەلی ویلایەتی، ڕاوێژکاری عەلی خامنەیی، ڕێبەری شۆڕشی ئیسلامیی ئێران، ڕۆژی شەممە (٩ی ئابی ٢٠٢٥) پشتڕاستی کردەوە کە وڵاتەکەی و عێراق دژی چەکداماڵینی هێزەکانی حەشدی شەعبی وەستاون.
ویلایەتی لە بەیاننامەیەکی ڕۆژنامەوانیدا ڕایگەیاند: ئەگەر هێزەکانی حەشدی شەعبی نەبوایە، ئەمریکییەکان عێراقیان قووت دەدا، هێزەکانی حەشدی شەعبیش هەمان ڕۆڵیان لە عێراقدا هەیە کە حزبوڵلا لە لوبنان دەیگێڕێت.
لە وەڵامی پرسیارێکدا سەبارەت بە هەوڵە هاوشێوەکانی ئەمریکا لە دژی هێزەکانی حەشدی شەعبی لە عێراق، شانبەشانی هەوڵەکانی بۆ داماڵینی چەک لە حزبوڵڵا لە لوبنان، ویلایەتی ئاماژەی بە پەیوەندییەکی تەلەفۆنی ئەم دواییەی لەگەڵ نوری مالیکی سەرۆکی هاوپەیمانی دەوڵەتی یاسا کرد. مالیکی "لە میانی بانگەوازەکەدا دووپاتی کردەوە کە ئەمەریکا و ئیسرائیل پاش لوبنان ئامانجیان عێراقە ، بەڵام ئێران و عێراق ڕێککەوتن لەسەر ئەوەی چەکداماڵینی حزبوڵڵا لە لوبنان یان حەشدی شەعبی لە عێراق ڕەتبکەنەوە و لە دژی دەوەستنەوە
لەم بانگەوازەدا،ویلایەتی و مالیکی جەختیان لەوە کردەوە کە چەکداماڵینی حزبوڵلا لە لوبنان و هێزەکانی حەشدی شەعبی لە عێراق بەشێکە لە پلانێکی ئەمریکی- زایۆنیستی بۆ لاوازکردنی بەرەی خۆڕاگری و گەلانی ناوچەکەش نابێت ڕێگە بدەن ئەم پڕۆژە مەترسیدارە جێبەجێ بکرێت.