وەزارەتی دەرەوەی سوریا له ڕاگه‌یه‌ندراوێكدا کۆنفرانسەکەی به بیانووی تائیفی و نەتەوەیی و هەنارده کردنەوەی "سیمبۆلی ڕژێمی پێشوو"وەسفکردووه، ئەمەش خۆی له خۆیدا لەگەڵ قسەكانی یەکگرتوویی و ڕه تکردنەوەی دابەشبوون ناگونجێت.
هەروەها ئاماژەی بەوەدا کە ستانداردی ڕاستەقینەی کردەوە پابەندبوونە بە پڕۆژەیەکی نیشتمانی گشتگیر، لە هەمان کاتدا ئاماژەی بەوەدا کە دەرگاکانی دیمەشق بە کراوەیی دەمێننەوە بۆ هەموو ئەوانەی بەدوای گفتوگۆی جددی و کردەوەی هاوبەشدا دەگەڕێن بە ئامانجی بەرەوپێشبردنی سوریا بۆ داهاتوویەکی باشتر.
سانا لە زاری بەرپرسێکی حکومەتەوە ڕایگەیاندووە، "حکومەت بە توندی ئیدانەی میوانداریکردنی کەسایەتییە جوداخوازەکان دەکات کە تێوەگلاون لە کردەوەی دوژمنکارانە، ئەمەش پێشێلکردنی ئاشکرای ڕێککەوتننامەی 10ی ئازارە".
ناوبراو لە درێژەی قسەکانیدا وتی "ئێمە هێزەکانی سوریای دیموكرات و سەرکردایەتییەکەی بە تەواوی بەرپرسیار دەزانین لە کاردانەوەکانی ئەمە. حکومەت ئەم کۆنفرانسە بە هەوڵێک دەزانێت بۆ بەنێودەوڵەتیکردنی کاروباری سوریا و بانگهێشتکردنی دەستێوەردانی دەرەکی و دووبارە سەپاندنەوەی سزاکان، کە بۆ ئەمەش لێکەوتەی یاسایی و سیاسی و مێژوویی لە ئەستۆدایە .
ئاماژەی بەوەشکرد، "ئەم کۆنفرانسە پێشێلکردنی ئەو بەڵێنانەیە کە حکومەتی سوریا دەستیکردووە بە جێبەجێکردنی، لەوانە پێکهێنانی کۆمیسیۆنی دادپەروەری ئینتقالی و دەستپێکردنی کارەکانی، هەروەها پرۆسەی گفتوگۆی نیشتمانی کە لەلایەن حکومەتی سوریاوە لە مانگی شوباتی ڕابردوو دەستیپێکرد، کە بەردەوام دەبێت تا ئەو کاتەی وڵاتەکە دەهێنرێتە شوێنێکی سەلامەت".
ناوبراو لە درێژەی قسەکانیدا وتی: "حکومەت دووپاتی دەکاتەوە کە ئەم کۆنفرانسە گورزێکی لە هەوڵە بەردەوامەکانی دانوستانەکان داوە. بەم پێیە بەشداری لە هیچ کۆبوونەوەیەکدا ناکات کە بڕیارە لە پاریس ئەنجام بدرێت، هەروەها لەگەڵ هیچ لایەنێک کە هەوڵی زیندووکردنەوەی سەردەمی ڕژێمی پێشوو بدات لەژێر هەر ناوێک یان بەرگێکدا لەسەر مێزی دانوستان دادەنیشێت. داوا لە هێزەکانی هێزەکانی سوریای دیموكرات دەکات کە بە جددی سەرقاڵی جێبەجێکردنی ڕێککەوتنی 10ی ئازار بێت، هەروەها داوای نێودەوڵەتیش دەکات". نێوەندگران بۆ گواستنەوەی هەموو دانوستانەکان بۆ دیمەشق ، چونکە ئەوە وتاری ڕەوا و نیشتمانییە بۆ گفتوگۆ لەنێوان سوورییەکان”.
سەرچاوەیەکی حکومەتی سوریا ڕۆژی هەینی بە ئاژانسی ئانادۆڵوی ڕاگەیاند، کۆنفرانسەکەی لە پارێزگای حەسەکە بەڕێوەچوو، جددی نەبوونی هێزەکانی سوریای دیموكرات سەبارەت بە دانوستان لەگەڵ دیمەشق نیشان دا .
کۆنفرانسەکە کە ڕۆژی هەینی لە ژێر ناوی "یەکێتی هەڵوێستی پێکهاتەکان" بەڕێوەچوو، داوای "دامەزراندنی دەوڵەتێکی لامەرکەزی و داڕشتنی دەستوورێک کە گەرەنتی فرەیی نەتەوەیی و ئایینی و کولتووری بکات" بوو.
ئاماژەی بەوەشکرد، کۆنفرانسەکە نوێنەرایەتی پەرەسەندنێکی مەترسیدار دەکات و کاریگەری لەسەر ڕەوتی دانوستانەکانی ئێستا دەبێت.
جەختیشی لەوە کردەوە کە حکومەتی سوریا بیر لە بژاردەکانی دەکاتەوە، لەوانە هەڵوەشاندنەوەی خولی دانوستانەکانی پاریس کە بڕیارە لە پاریس ئەنجام بدرێت ، ئەگەر هیچ پێشنیارێکی جددی بۆ جێبەجێکردنی ڕێککەوتنەکەی 10ی ئازار نەبێت.
ڕۆژی 25ی تەمموز، وەزارەتی دەرەوەی سوریا ڕایگەیاند، ڕێککەوتوون لەسەر ئەنجامدانی "خولێکی ڕاوێژکاری نێوان حکومەتی سوریا و هێزەکانی سوریای دیموکرات لە پاریس بە زووترین کات، بۆ جێبەجێکردنی ڕێککەوتنی 10ی ئازار بە تەواوی".