یەکێتی تۆپی پێی ئەوروپا ئەمڕۆ هەینی لیستی سزاکانی سەر یانەی بەرشەلۆنە و یاریزانان و ستافی تەکنیکی بڵاوکردەوە، بەهۆی ئەو پێشێلکاریانەی کە لە دوایین یاری تیپەکەی وەرزی ڕابردوو لە چامپیۆنزلیگ بەرامبەر ئینتەرمیلان ڕوویاندا، لە قۆناغی پێش کۆتاییدا.
بەگوێرەی ڕۆژنامەی "مارکا"ی ئیسپانی، یەکێتی تۆپی پێی ئەوروپا سزای پێنج هەزار یۆرۆی بەسەر هەردوو لامین یامال و ڕۆبەرت لیڤاندۆڤسکی ئەستێرەی هێرشبەری یانەی بەرشەلۆنەدا سەپاند، بەهۆی پابەندنەبوونیان بە ڕێنماییەکانی ئەو بەرپرسەی دژە ماددە هۆشبەرەکانەوە، چونکە ڕاستەوخۆ دوای یارییەکە ڕاپۆرتیان بۆ ناوەندی کۆنترۆڵ نەکرد، ئەمەش پێشێلکردنی ڕێساکانی دژە ماددە هۆشبەرەکانە.
هەروەها هانسی فلیک بەڕێوەبەری تەکنیکی و مارکوس سۆرگ جێگرەکەی هەریەکەیان بە بڕی ٢٠ هەزار یۆرۆ لەگەڵ سزادانی یەک یاری لە پێشبڕکێکانی یەکێتی تۆپی پێی ئەوروپا، بەهۆی پێشێلکردنی بنەما گشتییەکانی ڕەفتار و یاسا بنەڕەتییەکانی ڕەفتاری شایستە.
لەسەر ئاستی یانەکان، یەکێتی تۆپی پێی ئەوروپا سزای پێنج هەزار و ٢٥٠ یۆرۆی بەسەر بەرشەلۆنەدا سەپاند بەهۆی فڕێدانی کەلوپەل بۆ ناو یاریگا، هەروەها دوو هەزار و ٥٠٠ یۆرۆی زیادە بۆ هاندەرانی یارییە ئاگرینەکان.
ڕۆژنامەکە دووپاتی کردەوە کە هەموو سزاکان دەستبەجێ جێبەجێ دەکرێن، ئەمەش کاریگەری دەبێت لەسەر یاری داهاتووی بەرشەلۆنە لە ئەوروپا، کە بەبێ فلیک و سۆرگ لەسەر کورسی یەدەگ ئەنجام دەدرێت.