ڕۆژی شەممە 26ی تەمموزی 2025، جۆرجیا مێلۆنی، سەرۆکوەزیرانی ئیتالیا لە لێدوانێكدا بۆ ڕۆژنامەی لا ڕیپبلیکای ئیتاڵی رایگەیاند، من بە توندی پشتگیری لە دامەزراندنی دەوڵەتی فەلەستینی دەکەم، بەڵام پشتگیری لە دانپێدانانی دەوڵەتی فەلەستینی ناکەم.
بڕیارەکەی فەرەنسا بۆ ناساندنی دەوڵەتێکی فەلەستینی لە کۆبوونەوەی گشتی نەتەوە یەکگرتووەکان لە مانگی ئەیلولدا، ئیدانەی ئیسرائیل و ئەمریکای لێکەوتەوە، ئەمەش لە کاتێکدایە کە شەڕی بەردەوامی کەرتی غەززە لە نێوان ئیسرائیل و حەماسدا بەردەوامە.
مێلۆنی لە درێژەی قسەکانیدا گوتیشی، ئەگەر شتێک لەسەر کاغەز بناسرێتەوە کە بوونی نییە، لەوانەیە وا دەرکەوێت کە کێشەکە چارەسەر بووە کاتێک چارەسەر نەبووە.
ڕۆژی پێنجشەممە، ئیمانوێل ماکرۆن، سەرۆکی فەڕەنسا داوای کرد کە دەوڵەتی فەلەستین بە هاوبەشی لە لایەن فەرەنسا و شانشینی یەکگرتووەوە بناسرێت و بە "تاکە ڕێگای ئاسۆی ئاشتی" لە نێوان ئیسرائیل و فەلەستینییەکان دانا.