لوکاس ڤازکێزی ئەستێرەی ئیسپانی دوای جێهێشتنی یانەی ریاڵ مەدرید، بیر لەو بژاردانە دەکاتەوە کە پێشکەشی کراوە.
رۆژنامەی ئاس بڵاویکردووەتەوە کە یانەی بێشکتاشی تورکی و یۆڤانتۆس و ئەیسی میلانی ئیتاڵی ئارەزووی گواستنەوەی لۆکاس دەکەن.
گرنگیدانی بێشکتاش بە ڤازکێز دوای ئەوە دێت کە نەیانتوانی گرێبەست لەگەڵ کایل واکەر ئەنجام بدەن.
لەلایەکیترەوە یۆڤانتۆس و میلان ئامانجیانە بە گواستنەوەی ئەو ئەستێرە ئیسپانییە پێکهاتەکەیان بۆ وەرزی نوێ بەهێزتر بکەن.
بە دڵنیاییەوە لۆکاس ڤازکێز دەبێتە زیادکردنێکی گەورە بۆ هەر یانەیەک کە لە داهاتوودا یاری بۆ بکات، بە لەبەرچاوگرتنی توانا تەکنیکی و جەستەییە سەرنجڕاکێشەکانی، هەروەها ئەزموونە بەرفراوانەکەی.
بەرگریکارە ئیسپانیەکە لە سەرجەم پاڵەوانێتییەکان 402 یاری لەگەڵ یانەی ریاڵ مەدرید ئەنجامداوە و 38 گۆڵی و 73 ئەسیستیشی تۆمارکردووە، لەگەڵ لۆس بلانکۆس چەندین دەستکەوتی بەدەستهێناوە، دیارترینیان پێنج جار نازناوی چامپیۆنزلیگە.