چابی ئەلۆنسۆ پێش رووبەڕوبونەوەی یۆڤانتۆس وتی دانی کارڤاخاڵ و ئیدیر مێلیتاو بانگێشت دەکرێن و بوونی ئەو دوو یاریزانە زۆر گرنگە بۆ یانەکەمان.
وتیشی پاش هەموو یارییەک قسە لەگەڵ سەرجەم یاریزانەکان دەکەم و بەردەوام لەگەڵ رۆدریگۆش قسەدەکەم ئەو وەک هەموو یاریزانەکانیتر گرنگە بۆ ئێمە.
ئەلۆنسۆ جەختی لەوەکردەوە کە بەرامبەر یانەیەکی بەهێز یاری دەکەن و ئەرکیان زۆر قورس دەبێت.
راهێنەرەکە بەردەوامبوو لە قسەکانی ئاماژەی بەوەکرد کە ئەگەر زۆرە مباپێ یەکەم یاری خۆی لەم پاڵەوانێتیەدا ئەنجام بدات و دڵخۆشین بە گەرانەوەی کیلیان.
چابی ئەلۆنسۆ ئەوەی ئاشکراکرد کە تایبەت مەندییەکانی ئەم پاڵەوانێتییە زۆر جیاوازە، چونکە بەخێرای ئەنجام دەگۆڕێت و پێویستە بەردەوام بەهەموو تواناتەوە یاری ئەنجام بدەیت.
لە کۆتاییدا راهێنەرە ئیسپانییەکە باسی ئاستی ئارنۆڵدی کردوو وتی ئەو بەرگریکارێکی زۆرباشە و دڵخۆشین لەگەڵمانە دڵنیام دەتوانێت کاری باش بۆ یانەکەمان ئەنجام بدات.