تەلەفزیۆنی ده‌وڵه‌تی تاران وێڕای پەخشکردنی وێنەی هه‌زاران جەماوەر کە ئاڵای ئێرانیان هه‌ڵكردوه و وێنەی فەرماندە سەربازییەکانی کوژراوی شەڕ و پێکدادانەکانیان بەدەستەوەیە، بڵاویكرده‌وه، "مەراسیمی ڕێزلێنان لە شەهیدان بە فەرمی دەستیپێکردوە".
بەمەبەستی بەشداریکردن لە مەراسیمی پرسەی بەرپرسی سوپای پاسداران و فەرماندە و زانایانی باڵای ئەتۆمیی دیکە کە لە شەڕی ١٢ ڕۆژەی لەگەڵ ئیسرائیلدا کوژراون، هەزاران کەسی ماتەمینی ڕۆژی شەممە لە شەقامەکانی ناوەڕاستی تاران قەرەباڵغ بوون.
ئێران لە پێنجەمین ڕۆژی ئاگربەستی ناسکدا ڕێوڕەسمی پرسە سازدەکات، هاوکات دۆناڵد ترەمپ، سەرۆکی ئەمریکا هەڕەشەی هێرشکردنە سەر ئەو وڵاتە دەکات.
ترامپ ڕۆژی هەینی سوێندی خوارد کە ئەمریکا هێرشەکانی بۆ سەر ئێران دەستپێبکاتەوە ئەگەر بەردەوام بێت لە پیتاندنی یۆرانیۆم بۆ بەکارهێنانی سەربازی و عەلی خامنەیی ڕێبەری باڵای ئێرانی بە بێ منەتی تۆمەتبار کرد.
دۆناڵد ترەمپ لە لێدوانێكدا ڕایگەیاند، "بە تەواوی دەمزانی لە کوێ خۆی حەشارداوە، ڕێگەشم نەدا ئیسرائیل، یان سوپای ئەمریکا کە گەورەترین و بەهێزترینە لە جیهاندا، ژیانی ببڕن".
سەرۆکی ئەمریکا ئاماژەی بەوەدا کە لە چەند ڕۆژی ڕابردوودا کاریان لەسەر ئەگەری هەڵگرتنی سزاکانی سەر ئێران کردووە و دەشڵێت "بەڵکو بەیاننامەیەکم پێگەیشت کە پڕ بوو لە توڕەیی و ڕق و بێزاری و بێزاری و ڕاستەوخۆ کارکردنم لەسەر ڕزگارکردنی سزاکان ڕاگرت".
تەلەفزیۆنی ئێران ڕۆژی پێنجشەممە وتارێکی خامنەیی پەخش کرد کە تیایدا ستایشی "سەرکەوتنی" گەلی ئێرانی کرد بەسەر "کیانێکی ساختەی زایۆنیستی" و گرنگیی هێرشەکانی ئەمریکا بۆ سەر دامەزراوە سەرەکییە ئەتۆمییەکان کەم کردەوە.
بەپێی ڕاپۆرتی ئاژانسی هەواڵی مێهر، ڕۆژی هەینی، سوپای ئێران کوژرانی ٥٦ سەربازی خۆی لە کاتی ڕووبەڕووبوونەوە لەگەڵ ئیسرائیل ڕاگەیاند. لەلایەکی دیکەوە، دەزگای پەخشی ئێران بڵاویکردەوە، ئێران ڕۆژی شەممە ڕۆژی ماتەمینی نیشتمانیی ڕاگەیاندووە.
بەرەبەیانی ڕۆژی هەینی ١٣ی حوزەیران، ئیسرائیل هێرشێکی بۆ سەر ئێران دەستپێکرد و ژمارەیەک سەرکردەی باڵای سەربازی و زانا و هاوڵاتی مەدەنی کوژران.
هەروەها بەیانی ڕۆژی یەکشەممە ٢٢ی حوزەیران ئەمریکا هێرشی کردە سەر سێ دامەزراوە ئەتۆمییەکەی فۆردۆ و ناتانز و ئیسفەهان.
لە ماوەی شەڕی ١٢ ڕۆژەدا ئیسرائیل زیاتر لە ٢٠ بەرپرسی باڵای سەربازی کردە ئامانج و کوشتیان کە بەشێکیان لەناو ماڵەکانیاندا کوژران.
به ڕپرسێکی باڵای سه ڕبازی ئیسرائیل ڕۆژی هه ینی به ڕۆیته ڕز-ی ڕاگه یاند: ئیسرائیل له میانه ی ئه و شه ڕی 12 ڕۆژه ی له دژی ئێران هه ڵگیرساند، زیاتر له 30 به ڕپرسی ئه منی ئێران و 11 پسپۆری ئه تۆمی کوشتووه .