پێنج هۆکارەکە بەپێی زانیاری ڕۆژنامەکە ئەمانەی خوارەوەن:-
ناکۆکییە ناوخۆییەکان
ڕۆژنامەکە ئاماژەی بەوەشکردووە، مەیلی ترەمپ بۆ شەڕ، دابەشبوونێکی توندی لە نێوان لایەنگرانی بزووتنەوەی "ئەمریکا یەکەم " دروستکردووە، کە بانگەشە بۆ گۆشەگیری دەکەن و بێزارن لە ئاسۆی ئەوەی سەرکردەکەیان بەرەو ململانێیەکی نوێ ببات، بەتایبەتی کە هەڵمەتی هەڵبژاردنەکانی لەسەر دژایەتیکردنی دەستێوەردانی سەربازی بنیات ناوە.
مارجۆری تایلەر گرین، یەکێک لە دیارترین هاوپەیمانەکانی ترەمپ لە کۆنگرێس لە پۆستێکی سۆشیال میدیادا گوتی؛ هەر کەسێک بە جۆش و خرۆشەوە بێت بۆ بەشداریکردنی ئەمریکا لە شەڕی نێوان ئیسرائیل و ئێراندا، داکۆکیکاری ئەمریکای یەکەم نییە.
بەگوێرەی ڕۆژنامەی تێلێگراف، ڕاستی ئەمەریکا بەسەر دوو لایەندا دابەش بووە، یەکێکیان پشتیوانی لە دەستێوەردانی ئەمریکا لە شەڕی نێوان ئێران و ئیسرائیل دەکات و لایەنێکی دیکەش دژایەتی ئەو جۆرە تێوەگلانانە دەکات لە ترسی کەمبوونەوە و دەرئەنجامە نەرێنییەکان.
خراپبوونی ئیسرائیل
لە ڕاپۆرتەکەدا هاتووە، پێدانی کاتێکی زیاتر بۆ ئیسرائیل بۆ تێکدانی بەرگرییەکانی ئێران لە ڕەچاوکردنی ترەمپ بووە، چونکە ترسی هەیە لە دەرئەنجامە سیاسی و سەربازییەکانی خستنەخوارەوەی فڕۆکەی بۆمبڕێژکراوی ئەمریکایی بی-2، کە پێشبینی دەکرێت بۆ لەناوبردنی پێگەی ئەتۆمی فۆردۆ بەکاربهێنرێت ، کە سەرمایەیەکی سەربازی بەنرخە.
ڕۆژنامەکە ئاماژەی بەوەشکردووە، ترەمپ سەرەڕای دژایەتیکردنی لەگەڵ هەڵگرتنی چەکی ئەتۆمی لەلایەن ئێرانەوە ، ئەم شەڕە وەک شەڕێکی ئیسرائیلی دەڕوانێت و بارگرانی گەورەتر دەکەوێتە سەر ئیسرائیل بۆ ئەوەی زەمینە بۆ ئۆپەراسیۆنە سەربازییەکە خۆش بکات.
بۆ لەناوبردنی دامەزراوەی فۆردۆ، ئەمریکا دەبێت بۆمبی "bunker buster" و فڕۆکەی دزێوی B-2 بەکاربهێنێت و واشنتۆن پێی وایە کە تەلئەبیب دەبێت هەموو هەڕەشەکان لەسەر ئەم ئۆپەراسیۆنە بێلایەن بکات.
هەروەها ترەمپ چاوەڕێی پشتڕاستکردنەوەی توانای ئیسرائیلە بۆ ئەنجامدانی ئۆپەراسیۆنێکی شاراوە بۆ لەکارخستنی دامەزراوەی فۆردو و لەناوبردنی سەنترفیوژەکانی، بەبێ ئەوەی پەنا بۆ بۆردومان ببات.
دانوستانەکان
هەروەها لە ڕاپۆرتەکەدا ئاماژە بەوە کراوە کە دەنگەکانی ناو وەزارەتی دەرەوەی ئەمریکا ئامۆژگاری ترەمپیان کردووە کە سەبر بگرێت. هەرچەندە ئێران خۆبەدەستەوەدانی بێ مەرج ڕەتدەکاتەوە، بەڵام ئاماژە بە ئامادەیی خۆی بۆ نیشاندانی هەندێک نەرمی لە دانوستانەکاندا دەنێرێت. ئەم قۆناغە ڕێگە بە زلهێزە دیپلۆماسییەکانی ئەوروپا دەدات کە بتوانن مامەڵە بکەن و ڕۆڵی نێوەندگیری بگێڕن.
گە کۆنترۆڵی ئەمریکاڕاندنەوەی
لە لایەکی دیکەوە، وادەی دوو هەفتەیی دەتوانێت کۆنترۆڵی ترەمپ بەسەر سیاسەتی ئەمریکا بەرامبەر ئێران بگەڕێنێتەوە، ئێستا کە بنیامین ناتانیاهۆ، سەرۆکوەزیرانی ئیسرائیل پێشەنگی گرتووە. بەگوێرەی ڕۆژنامەکە، تێوەگلانی ڕاستەوخۆی ترەمپ لە شەڕەکەدا وا دەردەخات کە ئیسرائیل پێشەنگی ئەمریکایە.
فریودان و سەرسوڕمان
ئەگەرێکی دیکە کە ڕۆژنامەی تێلێگراف هێناویەتییە ئاراوە ئەوەیە کە دواخستنەکە تەنها فێڵێکە، کە ئامانج لێی گرتنی ئێرانە بە شێوەیەکی بێئاگا و دەستپێکردنی هێرشی ئەمریکا پێش تەواوبوونی وادەی دیاریکراو. ڕۆژنامەی تەلەگراف ئاماژەی بەوەشکردووە، هەموو شتێک بە سەرۆکێکی وەک ترەمپ پێشبینی نەکراو دەکرێت.