وتەبێژی سەربازی ئیسرائیل، ئەڤیچای ئەدرعی لە پۆستێکدا لەسەر پلاتفۆرمی ئێکس وتی: “لە دووری نزیکەی ٢٣٠٠ کیلۆمەتر لە ئیسرائیلەوە، هێزی ئاسمانی ماوەیەکی کەم لەمەوبەر هێرشی کردە سەر فڕۆکەیەکی سووتەمەنی ئێرانی لە فڕۆکەخانەی مەشهەد لە ڕۆژهەڵاتی ئێران”.
ئەدرەعی وتیشی: هێزی ئاسمانی کار بۆ بەدەستهێنانی باڵادەستی ئاسمانی لە سەرتاسەری ئێران دەکات.
وتەبێژی سوپای ئیسرائیل لە درێژەی قسەکانیدا وتی "ئەمە بەرفراوانترین هێرشە کە هێزی ئاسمانی لە سەرەتای دەستپێکردنی ئۆپەراسیۆنی هەستانەوەی شێرەوە دەستیپێکردووە".